Olımpıada kúni atalyp ótti

Halyqaralyq Olımpıada ko­mı­teti 1948 jyly Sankt-Morı­sede ótken HOK-tyń 42-sessııasynda 23 maýsymda Ha­lyq­aralyq Olımpıada kúnin ótkizý týraly sheshim qabyl­dady. Bul kúnniń tań­dalýy de beker emes. 1894 jyl­dyń 23 maýsymynda HOK quryl­ǵan bolatyn. Dál sol kúni Olım­pıadalyq qozǵalystyń negi­zin salýshy, baron Per de Kýberten halyqaralyq atletıkalyq kongress aldynda tarıhı baıandama jasady. Merekeni toılaý barysynda Qazaqstan qalalarynda jyl saıyn sporttyq-buqaralyq is-sharalar uıymdastyrylady.

Bıyl da osyndaı ataýly da­ta qarsańynda Qazaqstannyń Ult­­tyq Olımpıada komı­teti #TEAMKZ múshe­lerimen birlese oty­­ryp, sport jankúıerlerine qy­zyq­ty is-sharalar ótkizdi. Ko­ro­navırýske baılanysty bar­­lyq jıyn onlaın format­ta­ ótti. Olımpıada kúni qar­sa­ńynda uıymdastyrylǵan is-sha­ralardyń shymyldyǵyn Tokıo Olım­pıa­dasyna joldama alǵan, 2016 jyl­ǵy Rıo oıyndarynyń kúmis júl­degeri, boksshy Vasılıı Levıt túrdi. Dańqty bylǵary qolǵap sheberi YouTube jelisi arqyly sport jankúıerlerimen onlaın júz­desip, óziniń Olım­pıadadaǵy esteligimen bólisti. Al kelesi kúni júzýden Rıo Olım­pıadasynyń chempıony Dmıtrıı Balandın olımp tuǵyryna aparǵan jolǵa sholý jasap, jas jankúıerlermen áń­gime-dúken qurdy. Ári qa­raı onlaın marafondy frıs­taıl-akrobatıkadan álem kýbo­gy kezeńderiniń júldegeri Jan­­bota Aldabergenova men Pa­ralım­pıada oıyndarynyń chempıony Zýl­fııa Gýbaıdýl­lına jalǵap, jas­tarmen til­desti. Sport tilimen aıtqanda bul jan­kú­ıer­­ler úshin dene qyzdyrý jat­­­tyǵýy boldy. Al mereke qar­­­­sańyndaǵy eń­ negizgi shara 21­ maý­symda uıym­dastyryldy. Dál osy kúni elimizdiń betkeustar sport­­­shy­lary ınteraktıvti olım­­­pıa­dalyq marafon ótkizip, jan­kúıerlerge baǵaly syılyq tabystady. Atap aıtar bol­saq, Eldos Smetov, Almat Ke­bispaev, Alekseı Lýsenko, Vası­lıı Le­vıt, Álııa Iýsýpova, Elı­zabet Tursynbaevalar tike­leı efırdiń qonaǵy bolyp, sport­taǵy qyzyq oqıǵalaryn baıandady.

Ulttyq Olımpıadalyq komıtet uıymdastyrǵan ınterak­tıvti kezdesýde tikeleı efırge shyǵyp, óz basynan ótken qyzyqty oqı­ǵalarmen eń bi­rinshi bolyp boks­tan álem chempıonatynyń eki dúr­kin qola júldegeri Abylaıhan Júsipov bólisti. Ol óziniń bıik­ke umtylýyna sebep bolǵan jek­pe-jek týraly aıtyp berdi.

– 12 jasymda Shahtınsk qa­lasynda Aleksandr Alek­san­drovty eske alýǵa arnalǵan týrnırge qatystym. Týrnırdiń fı­nalyna shyǵyp, bas júlde ıe­gerin anyqtaıtyn sátti kútip tur­­­­myz. Osy sátte tóreshilerdiń de naqty sheshim shyǵara almaı, aqyl­dasyp jatqanyn kórdim. О́ıt­keni ekeýmiz de teń túsken ekenbiz. Sol kezde bizdiń dańqty jerlesimiz Gennadıı Golovkın týr­nırdi tamashalaýǵa kelgen eken. Golovkınniń kásibı boksqa endi kóship, jul­dyzy janyp kele jatqan sát. Ol tó­reshilerdiń qa­syna ba­ryp, meniń soqqylarym kóp bol­ǵanyn, jaqsy judy­ryq­tasqanymdy aıtty. Mine, sol jeńis, Golovkınniń sol bir sózi maǵan qanat berdi. «Bala ke­zińizden úlken maqsat qoıy­ńyzdar. Arman-maqsattar min­detti túrde oryndalady», deıdi.

Al grek-rım kúresinen álem chempıonatynyń bir­ne­she dúr­kin júldegeri, Olım­pııa oıyn­darynyń qaty­sýshysy Al­mat Kebispaev Olım­pıa­dadaǵy atmosferany baıandap berdi. «Olım­pıada tek qana ja­rys emes, ol tórt jylda bir ret ótetin úl­ken tarıhı sha­ra, sportshylar me­rekesi. Olım­pıada qalashyǵy – Olımpıada kezindegi sportshylar úıi. On­daǵy atmosfera da erekshe. Qazaqstan qurama komandasy bir turǵyn kesheninde ornalastyrylyp, bir tý astyna jınalamyz. Bir shańyraq astynda bolǵandyqtan, bir-birimizben dostasyp, arqa-jarqa bolamyz. Tek qana jarysta emes, jarystan tys ýaqytta da bir-birimizdi qoldaýǵa tyrysamyz. Jeńiske jetse, merekeni óz dáre­jesinde atap ótip, sportshylarymyz jeńiliske ushyrasa, demeý beremiz. Olımpıadaǵa kóbi­si qydyrýǵa barady dep oılaı­dy. Ol qate túsinik», deıdi Almat.

Dzıýdodan álem chempıony­ jáne qola júldegeri, Azııa oıyn­­­­darynyń jeńimpazy, Rıo Olım­pıadasynyń kúmis júl­degeri Eldos Smetovtiń piki­rinshe, kish­kentaı kezden ar­manyńa adal bo­lyp, óz isińe mahab­batpen qa­raý kerek. «Ar­man, maqsat adam­­­nyń jasymen ólshenbeıdi. Kish­­kentaımyn dep maqsatsyz, jos­­parsyz júrýge de bolmaıdy. Kishkentaı kezińnen bastap bel­gili bir maqsat qoıyp, soǵan mahabbatpen qaraý kerek. Joldan taıyp ketpeı, maqsatqa jetý jolynda aıanbaı eńbek etý kerek dep oılaımyn. Máselen, ózim úlken jarysqa shyǵarda mindetti túr­de jospar quryp, sol jarysta jeńý kerek dep maqsat qoıamyn. Se­bebi kishkentaı kezimde arman, maqsattarymdy aq qaǵazǵa túsirip otyratynmyn. О́skende bul ádet bo­lyp qalyptasyp ketti», deıdi ol.

Velosporttan 2018 jylǵy Azııa oıyndarynyń jeńimpazy Alekseı Lýsenko tikeleı efırde sporttaǵy eń sátsiz kezeńin eske aldy. «2016 jyly ózimniń birinshi Olımpıadama baratyn kezde, jaraqatyma baılanysty Rıo Olım­pıadasyna qatysa almadym. Olımpıadanyń aldynda alǵan jaraqatym ma­ǵan óte úlken soqqy boldy. Sebe­bi Olımpıadaǵa qa­tysý bar­lyq sportshynyń armany. О́ki­nishke qaraı sol kezde men Olımpıadany úıden tamashaladym».

Mánerlep syrǵanaýdan álem chempıonatynyń kúmis júldegeri Elızabet Tursynbaeva sportqa qa­laı qadam basqanyn jáne Saı­tamadaǵy álemdik synda tórt­tik salhovty qalaı oryn­daǵanyn aıtyp berdi. «Meniń eń úlken jeńisim – má­nerlep syrǵanaýdan álem chem­pıonatynyń kúmis júldesi. Al­­ǵashynda men júldegerler qatarynan kórinemin dep oı­laǵan joqpyn. Bar bolǵany baǵdar­lamany qatesiz oryndaýdy maqsat etkenmin. Onyń ústine, tórt aı­nalym salhovty chempıonat aldyndaǵy jarystarda sońyna deıin jetkize almadym. Álemdik synda osy olqylyqtyń ornyn toltyrǵym keldi. Árıne, tórt aınalym elementti jattyǵýda oryndaý bir bólek, myńdaǵan adamnyń aldynda oryndaý bir bólek. Qýanyshqa qaraı, álem birin­shiliginde alǵash ret taza oryn­dap, kúmiske qol jetkizdim», deıdi E.Tursynbaeva.

Onlaın marafon sońynda uıymdastyrýshylar «Olımpıada balalyq shaqtan bastalady» atty olımpıadalyq qundylyqtarǵa arnalǵan mýral baıqaýynyń jeńim­pazdaryn anyqtady.

Aıta keteıik, qazirgi tańda Qazaqstannyń Olımpıadalyq qu­­ramy kelesi jyly Tokıo tórin­de jalaýy jelbireıtin jaz­­­ǵy Olım­pııa oıyndaryna daıyn­­dalyp jatyr. Eń keıin­gi máli­metterge júginsek, Qazaq­stan­nyń sportshylary osy kúnge deıin Tokıo Olım­pıadasyna 42 jol­dama jeńip alǵan.