TikTok áleýmettik jelisi akkaýnt ıelerin ańdýy múmkin be? Bangorlol nıkti Reddit atty paıdalanýshy qytaılyq osy programmany birqatar málimet jınaýmen aınalysady dep otyr, - dep habarlaıdy Egemen.kz.
Atalǵan áleýmettik jelini paıdalanatyn ár adamnyń ustap júrgen gadjetiniń parametrlerin, ıaǵnı prosessor markasy, dıspleı ólshemi, dıskilik keńistik jáne ıdentıfıkatorlar sııaqty aqparatty jınaýmen aınalysady degen kúdik keltirilgen.
Qazir bul aqparat ǵalamtorda óte belsendi talqylanyp jatyr. Keıbir paıdalanýshylar TikTok áleýmettik jelisine revers-ınjınırıng jasap, jeke málimetterdiń qoldy bolýy týraly aıtyp otyr. Málimetterdi jınaý nemese urlaý osy áleýmettik jeli formatyna ádemi jasyrylǵan degen oılar atylýda. Apparattyq málimetterden bólek paıdalanýshynyń basqaı qandaı qoldanbalar ornatqany jáne sonymen qatar ınternetke baılanysty Wi-Fi, jeke IP jáne smartfonnyń mac-adresteri, odan qaldy 30 sekýnd saıyn GPS pen djeılbreık týraly da aqparattar jınalýy múmkin degen pikirler aıtylǵan.
Jalpy alǵanda, «qazanshynyń óz erki, qaıdan qulaq shyǵarsa» degen paıymdy umytpasaq, kez kelgen programma men qoldanba jasap shyǵarýshylar óz ónimin qandaı maqsatqa paıdalanatyn ózderi biledi. Sol sebepti de árdaıym saqtyqpen júrgenimiz de jón bolady.