Bul kúnderi AQSh-ta tennısten All Lower level tournaments halyqaralyq týrnıri ótip jatyr. Básekede baq synap jatqan otandasymyz Dmıtrıı Popko táýir nátıje kórsetýde.
Dúısenbi kúni jerlesimiz úsh ret kortqa shyǵyp, úsh qarsylasyn da qapy qaldyrdy. Alǵash kanadalyq Lıama Drakslany 6:3, 3:6, 10:3 esebimen tize búktirse, odan keıin amerıkalyq Evan Kıngten 7:5, 7:6 nátıjesimen basym tústi. Úshinshi kezdesýinde Chılı sportshysy Aleksandra Tabılony 3:6, 6:1, 10:7 esebimen jeńdi. Al keshe jarys qojaıyny Evan Kıngten úsh setke sozylǵan básekede 4:6, 7:5, 11:9 esebimen aılasyn asyryp ketti.
Sondaı-aq buǵan deıin Dmıtrıı Popko taǵy bir AQSh ókili Kennon Kıngslıdi 7:6, 4:6, 10:4 upaıymen jeńse, keıinnen Argentına tennısshisi Hordı Arkonadenege ese jibergen bolatyn. Aıta keteıik, indet kezinde mundaı dodalar jeńildetilgen erejemen jáne qatań karantındik talaptardy saqtaı otyryp ótkizilýde.