QMDB tóraǵasynyń orynbasary, naıb múftı Ershat Ońǵarov Qudaıy astarǵa (jetisi, qyrqy, júzi, jyly jáne taǵy basqa) qatysty talaptar týraly aıtyp berdi, - dep habarlaıdy Egemen.kz
"Astardy ótkizbeýge nemese otbasy músheleri, jaqyn týmalarymen shektelýge; Bir ǵana dinı qyzmetkerdiń qatysýyna; Sanıtarlyq normalardy (betperde taǵý, medısınalyq qolǵap kııý jáne araqashyqtyq) saqtaýǵa shaqyramyn. Sharıǵatta qandaıda juqpaly aýrýdyń belgisi taraǵan kezde aýrýdyń etek alýyn toqtatýda karantın rejımi qajet ekeni atap aıtylǵan. Mundaı karantındik jaǵdaı kóptegen musylman memleketterinde júzege asýda. Sondyqtan qazirgideı kózge kórinbeıtin zııandy dert taraǵan kezde onyń aldyn alý árbir musylman balasy úshin mindet", dedi naıb múftı Ershat Ońǵarov.