Májilis tóraǵasy Erlan Qoshanov Jeńis kúnine oraı Keńes Odaǵynyń Batyry ataǵyn eki márte ıelengen Talǵat Bıgeldınovtiń eskertkishine gúl shoǵyn qoıdy, dep habarlaıdy Egemen.kz.
Is-sharaǵa Parlament fraksııalary men ardagerler uıymdarynyń ókilderi jáne jergilikti turǵyndar qatysty. Olar erlikpen qaza tapqan qaharmandardyń rýhyna taǵzym etip, maıdangerler men tyl eńbekkerlerin bir mınýt únsizdikpen eske aldy.
Talǵat Jaqypbekuly Bıgeldınov – qazaqtyń mańdaıyna bitken dańqty ushqyshy, avıasııa general-maıory. 305 ret áskerı shabýylǵa shyǵyp, erliktiń shynaıy úlgisin pash etken birtýar batyr. Sonymen qatar ol úsh márte KSRO Joǵarǵy Keńesiniń depýtaty bolyp saılanǵan.
Astanada «Otan Ana» monýmentine gúl shoqtary qoıyldy
Aty ańyzǵa aınalǵan ushqyshtyń eskertkishi elordanyń Saryarqa aýdanyndaǵy batyrdyń qurmetine berilgen kóshedegi saıabaqta ornalasqan.
Aıda Balaeva: Jeńis kúni – keler urpaqqa taǵylym beretin qasıetti kún