Oral qalasynda 30 jáne 31 mamyr kúnderi qatty ystyqqa baılanysty aýyl sharýashylyǵy jármeńkelerinde et, taýyq jáne balyq ónimderin satýǵa tolyq tyıym salynǵannan keıin, mundaı shekteýler Almatyda da engizilýde, dep habarlaıdy Egemen.kz
Qala ákimdiginiń habarlaýynsha, Almatyda tolyq tyıym salynbaıdy, alaıda satylym kólemi qysqartylady.
Tez buzylatyn ónimder negizinen tańerteńnen túske deıin satylatyn bolady.
Memlekettik organ ókilderi et jáne basqa da tez buzylatyn ónimderdi tek arnaıy tońazytqysh bolǵan jaǵdaıda jáne saqtaý temperatýrasy saqtalǵan kezde ǵana satýǵa ruqsat etiletinin atap ótti:
Salqyndatylǵan et, qus eti, sút ónimderi, balyq jáne shujyqtar: vıtrınalarda +2…+8 °C temperatýrada saqtalýy tıis. Muzdatylǵan ónimder: muzdatqyshtarda -18…-20 °C temperatýrada saqtalýy kerek.Saýda ornyndaǵy ónim qory tońazytqysh jabdyqtarynyń syıymdylyǵynan aspaýy tıis.