Prezıdent Qasym-Jomart Toqaev Joǵary Eýrazııalyq ekonomıkalyq keńestiń keńeıtilgen quramdaǵy otyrysynda aýyl sharýashylyǵyn sıfrlandyrý tájirıbesin keńinen engizý qajettigin aıtty, dep habarlaıdy Egemen.kz.
Memleket basshysy jahandyq tehnologııalyq ózgerister jaǵdaıynda EAEO elderi jańa tabys kózderin izdep, jasandy ıntellekt, robot tehnıkasy jáne bıotehnologııa sekildi perspektıvti baǵyttarda birlesken jobalardy damytýy qajet ekenin atap ótti.
– Jahandyq azyq-túlik naryǵyndaǵy EAEO pozısııasyn nyǵaıtatyn joǵary tehnologııalyq bastamalardy qoldaýǵa kúsh salýǵa bolady. Eýrazııalyq ekonomıkalyq odaq týraly shartqa agroónerkásip keshenindegi kooperasııalyq jobalardy qarjylaı qoldaý boıynsha túzetýler engizilip, qabyldandy. Bul – osy joldaǵy mańyzdy qadamnyń biri. Mundaı tehnologııalyq bastamalardy qarjylandyrý kólemin ulǵaıtý úshin Eýrazııa damý bankiniń múmkindikterin paıdalanǵan jón. Qurylǵannan bergi jıyrma jyl ishinde atalǵan qarjy ınstıtýty eýrazııalyq ıntegrasııanyń tıimdi ári suranysqa ıe quraly ekenin dáleldedi. Biz shaǵyn quramdaǵy kezdesýde Banktiń basqarma tóraǵasy jasaǵan mazmundy baıandamany tyńdap, ony bekittik. EADB aldaǵy ýaqytta da Odaq keńistigindegi strategııalyq jobalardy júzege asyrýda basty lokomotıv bolýǵa tıis degen uıǵarymǵa keldik, – dedi Prezıdent.
Memleket basshysy: Elimizde 650-den astam «aqyldy» fermalar jumys istep tur
Qasym-Jomart Toqaev álem ekonomıkasy transformasııalanyp jatqan kezeńde jańa tabys kózderin izdeý taǵy bir basymdyq ekenin atap ótti.
– Ulttyq ekonomıkalardyń uzaqmerzimdi ornyqtylyǵy men bolashaqtaǵy ornyn saılaýy jańa tehnologııalyq syn-qaterlerge jedel beıimdelýine tikeleı baılanysty. Bul jóninde biz keshe, Eýrazııalyq ekonomıkalyq forýmnyń alǵashqy kúninde egjeı-tegjeıli talqyladyq. Jappaı sıfrlandyrýdan bastap jasandy ıntellektige deıingi tehnologııalyq progress tolqyny birinen soń biri týyndap jatyr. Osylaısha, tehnologııadaǵy árbir jańa beles ozyq oıly adamdarǵa múmkindik syılaıtyn kelesi sony serpiliske negiz qalaıdy. Sarapshylardyń pikirinshe, aldaǵy 20 jyldyń ishinde bıotehnologııa, avtonomdy júıeler, ǵarysh ekonomıkasy, energııany saqtaý, kvanttyq esepteý sekildi mańyzdy tehnologııalyq úderisterdiń tutas legi paıda bolady. Máselen, uzaqmerzimdi boljam boıynsha 2035 jylǵa qaraı álemdik robot tehnıkasy naryǵynyń kólemi 376 mıllıard dollardan asady. Vırtýaldy shynaıylyq ındýstrııasyndaǵy qarjy aınalymy 700 mıllıard dollarǵa jýyqtaıdy. Árıne, bizdiń elderimiz osy jahandyq jańashyldyqtardan kenje qalmaýǵa tıis. Eýrazııalyq ekonomıkalyq komıssııa perspektıvti damý baǵyttarynda naqty tájirıbe almasýǵa jáne birlesken jobalardy júzege asyrýǵa qoldaý kórsetýi kerek dep sanaımyn, – dedi Memleket basshysy.