Zaısan aýdanyndaǵy jańa áýejaı qurylysyna 300-den astam adam tartylǵan. Oblys ákimdiginiń málimetinshe qazirgi tańda áýejaı qurylysy 75 paıyzǵa aıaqtalǵan, dep habarlaıdy Egemen.kz
Áýeaılaqtyń negizgi bóligi – ushý-qoný jolaǵy, perron jáne rýldeý joly tolyq salyndy. Aerodrom aýmaǵyndaǵy drenaj júıeleri men ınjenerlik kommýnıkasııalardyń qurylysy da aıaqtaldy. Qazirgi ýaqytta termınal, apattyq-qutqarý qyzmeti ǵımaraty, garajdar jáne janar-jaǵarmaı saqtaý qoımalaryn salý jumystary júrgizilýde.
Qazaqstanda 2027 jyly jańa áýejaı ashylady
Ushý-qoný jolaǵynyń uzyndyǵy 2200 metr, aerovokzaldyń jalpy aýmaǵy 4000 sharshy metr bolady. Shilde aıynda synaq reısi júzege asyrylmaq.
Aıta keteıik, áýejaı iske qosylǵannan keıin Qytaıdyń Úrimshi qalasyna, Altaı aımaǵyna jáne Qanas kóline halyqaralyq reıster ashý josparlanyp otyr. Sonymen qatar Astana, Almaty jáne О́skemen qalalaryna ishki baǵyttar boıynsha áýe qatynasy jolǵa qoıylady. Áýejaı Bombardier Q400, ATR-72 sekildi óńirlik sanattaǵy áýe kemelerin qabyldaıtyn bolady.