Qasym-Jomart Toqaev búgingi jıynǵa qatysqany úshin mártebeli meımanǵa rızashylyǵyn bildirip, elimiz Kýbanyń EAEO qyzmetine qosqan úlesin joǵary baǵalaıtynyn jetkizdi, dep habarlaıdy Egemen.kz
Prezıdent Eýrazııalyq ekonomıkalyq forýmda talqylanǵan jasandy ıntellektini damytýdyń ózektiligin atap ótip, osy saladaǵy ekijaqty yntymaqtastyqty keńeıtý perspektıvasyna toqtaldy.
Memleket basshysy elimizdegi ekonomıkanyń negizgi salalaryn sıfrlandyrý jáne oǵan jasandy ıntellekt tehnologııalaryn engizý sharalary týraly málimet berdi. Osy oraıda, Qazaqstannyń Kýba tarapymen elektrondyq úkimetti damytý tájirıbesin bólisýge, ozyq sıfrlyq sheshimderin eksporttaýǵa ázir ekenin rastady.
Salvador Valdes Mesa Qasym-Jomart Toqaevqa Kýba Prezıdenti Mıgel Marıo Dıas-Kanel Bermýdestiń sálemin jetkizip, ózara saýda-ekonomıkalyq baılanysty arttyrýǵa nıetti ekenin aıtty.
Kezdesýde medısına jáne farmasevtıka baǵytynda tıimdi yntymaqtastyqty jandandyrý áleýetine basa nazar aýdaryldy. Budan bólek, iskerlik jáne mádenı-gýmanıtarlyq qatynastardy tereńdetý múmkindikteri qarastyryldy.
Qazaqstan Prezıdenti men Kýba Vıse-prezıdenti halyqaralyq kún tártibindegi ózekti máseleler jóninde pikir almasty.