Vırýsolog-professor Aleksandr Chepýrnov DDU COVID-19 qarsy eń nátıjeli preparat dep sanaıtyn "Remdesıvır" preparatynyń zııany týraly eskertti, - dep habarlaıdy Egemen.kz.
Onyń aıtýynsha, mundaı preparattardy qoldaný - densaýlyqqa janama áser etedi.
"Preparattyń vırýsqa qarsy kúrdeli kúresi - jasýshanyń ishine enýinde. Sondyqtan barlyq derlik dári-dármekter jasýshalarǵa, demek aǵzaǵa ýly bolyp áser etedi", - dedi Chepýrnov Ura.ru saıtyna bergen suhbatynda.
Buǵan deıin DDU aǵa ǵylymı qyzmetkeri Sýmııa Svamınatan Remdesıvır synaqtarda eń senimdi nátıje kórsetti dep málimdegen edi. Uıymnyń saıtynda túsindirilgendeı, preparatty qoldanǵan soń naýqastardyń aýrýhanaǵa túsý kórsetkishi azaıdy, biraq ólim-jitimniń tómendeýine sebep bolǵan joq.