"Ińkár" farmasevtıkalyq kompanııasynyń tapsyrysy boıynsha Úndistannan jalpy salmaǵy 32 tonna bolatyn júk jetkizildi. Kompanııa ókilderiniń aıtýynsha, áýejaıda jalpy sany 242 myń qaptama bolatyn COVID-19-ǵa qarsy preparat túsirilgen, - dep habarlaıdy Egemen.kz.
Júk kedendik rásimdeýden ótip, qajetti qujattar toltyrylǵannan keıin kompanııanyń qoımasynan dárihana jelilerine jetkiziledi. Kompanııa sonymen birge arnaıy turaqtandyrý qoryna dári-dármekterdi satyp alý tetigin iske asyra bastaǵanyn aıtty.Eske sala ketsek, Almaty qalasynyń ákimi B. Saǵyntaevtyń tapsyrmasymen farmasevtıkalyq kompanııalarǵa qajetti dári-dármekterdi satyp alý úshin paıyzsyz nesıe berýge 5 mlrd. teńge kóleminde qarjy bólingen. Qarajattar qaıtarymdy jáne aınalmaly negizde "jumys isteıdi".Shilde aıynyń basynda keıbir dárihanalarda suranys joǵary bolǵandyqtan, ystyq túsiretin jáne basqa preparattardyń tapshylyǵy týyndaǵany belgili. Alaıda jedel qabyldanǵan sharalardyń arqasynda jaǵdaı turaqtandy. Sonymen qatar, qaladaǵy turaqtandyrý qorynan dári-dármekterdi Almatydaǵy COVID-19-ǵa qarsy stasıonarlarǵa jetkizý jumystary bastaldy.Buryn habarlanǵandaı, shilde aıynyń sońyna deıin Almatyǵa COVID-19-ǵa qarsy preparattardyń 6,5 mıllıon qaptamasy jetkiziledi.