Kúni keshe fýtboldan Aǵylshyn premer-lıgasynyń 2019-2020 jylǵy maýsymy aıaqtalyp, jyldyń úzdikterine beriletin «Altyn býtsy» men «Altyn qolǵap» ıegeri anyqtaldy.
Maýsym qorytyndysy boıynsha, chempıonattyń úzdik surmergeni atanǵan Djeımı Vardı «Altyn býtsy» ıegeri atandy. 33 jastaǵy «Lester» shabýylshysy bıylǵy birinshilikte 23 gol soqty. Ekinshi jáne úshinshi oryndy 22 gol soqqan «Arsenal» shabýylshysy Per-Emerık Obameıang pen «Saýtgempton» ókili Dennı Ings bólisti.
«Altyn qolǵap» marapaty «Manchester Sıtı» klýbynyń qaqpashysy Edersonǵa tabystaldy. Brazılııalyq qaqpashy bıylǵy maýsymda jalpy sany 35 oıyn ótkizip, 16 matchta qaqpasyna birde-bir gol ótkizbegen. Keıingi oryndy 15 matchta qaqpasyn qurǵaq saqtaǵan «Bernlı» qaqpashysy Nık Poýp ıelendi. Sondaı-aq «Manchester Sıtıdiń» taǵy bir fýtbolshysy Kevın De Brıýıne arnaıy marapatqa ıe boldy. Belgııalyq jartylaı qorǵaýshy 35 matchta áriptesterine 20 márte nátıjeli pas asyryp, maýsymnyń úzdigi atandy.
Aıta keteıik, chempıonatta «Lıverpýl» klýby merziminen buryn chempıon atanyp qoıǵan edi.