IQala qalalyq qyzmetter ortalyǵynyń ESQ, elektrondyq shot-faktýralar (EShF) men ERS túbirtekterin alý sııaqty eń kóp talap etiletin qyzmetteri boıynsha nusqaýlyqtardy usyný úshin "IQalakz" Telegram-boty quryldy. Bul týraly elorda ákimdiginiń resmı saıtyna silteme jasaı otyryp Egemen.kz habarlaıdy.
Bul ortalyq "Astana-AEK" AQ, "Astana-Teplotranzıt" AQ, "Astana sý arnasy" MKK, "Clean city NC" JShS, "SPK Astana Development" JShS, "Astanaenergosbyt" JShS, "Qazaqtelekom" AQ jáne t.b. uıymdardyń 131 qalalyq qyzmet túrin usynady. Elorda turǵyndary www.iqala.kz portaly arqyly qyzmetterdi onlaın rejımde ala alady.
Esterińizge sala keteıik, iQala qalalyq qyzmet kórsetý ortalyǵy jumys kúnderi saǵat 09.00-dan 17.00-ge deıin Nur-Sultan qalasy, R. Qoshqarbaev dańǵyly, 29 mekenjaıy boıynsha jumys isteıdi. Sondaı-aq ortalyq operatorlary "Astanaenergosbyt" JShS-nyń Nur-Sultan qalasy, Syǵanaq kóshesi, 25 jáne Bógenbaı batyr dańǵyly, 24/1 mekenjaıyndaǵy front-keńselerde qyzmet kórsetedi.