Tasqyn sýdan zardap shekken Túrkistan oblysynyń Maqtaaral jáne Jetisaı aýdandarynda 3,4 myń ga jer qaıta óńdelip, aýyl sharýashylyǵy daqyldary egildi. Atap óter bolsaq maqta, baqsha ónimderi men júgeri, kúrish egilip, jumystar jalǵasýda.
О́zbekstandaǵy Sardoba sý qoımasy bógetiniń jarylýynan aımaqta 11 eldimekende 1031 taýar óndirýshiniń 5,9 myń ga egistik alqaby zardap shekken bolatyn. Aýylsharýashylyǵy salasy mamandarynyń qatysýymen jasalǵan esepke sáıkes, jalpy shyǵyn kólemi 1,142 mlrd teńgeni quraıdy.
Keltirilgen shyǵyn kólemi «Qazaq maqta sharýashylyǵy ǴZI» JShS tarapynan usynylǵan tehnologııalyq kartasy negizinde 1 ga egistiń shyǵyny men ótken jyly alynǵan ónimniń 1 kg-na naqtylanǵan statıstıkalyq baǵasy negizinde eseptelip, oblystyq aýylsharýashylyǵy basqarmasy tarapynan Úkimettiń qaraýyna usynylǵan. Tótenshe jaǵdaıdyń zardabyn zalalsyndandyrýǵa О́zbekstan Respýblıkasynan 43 aýyl sharýashylyǵy tehnıkalary men 243,6 tonna tuqymdyq shıt jetkizilgen.
Sonymen qatar, shyǵynǵa ushyraǵan taýaróndirýshilerge 1,2 mlrd.tg. qarjy ótemaqy tólendi. Aýmaqta veterınarııalyq qaýipsizdik saqtala otyryp, aýyl sharýashylyǵy aýmaqtary tolyǵymen zalalsyzdandyryldy.