Muqtaj ata-analar ótinishterin arnaıy platformada qaldyra alady. Bul týraly ákimdiktiń baspasóz qyzmetine silteme jasaı otyryp Egemen.kz habarlaıdy.
Elordada oqý jyly qarsańynda áleýmettik osal sanattaǵy balalarǵa kómek kórsetýge baǵyttalǵan "Mektepke jol" qaıyrymdylyq aksııasy bastaldy. "Meniń Atamekenim" portalynda "Mektepke jol" atamekenim.kz platformasy bar, onda muqtaj ata-analar ótinish qaldyra alady.
"Bul platforma muqtaj adamdar men qaıyrymdylyq jasaýshylar arasyndaǵy tikeleı baılanysty qamtamasyz etedi. Qazirgi ýaqytta portalda Nur-Sultannan 3229 ótinish tirkelgen. Kezek boıynsha mesenattar men kásipkerler otbasylarǵa kómek kórsetedi", dep atap ótti bilim basqarmasynda.
Tizimdegi alǵashqy on otbasyǵa 15 tamyzda planshetter usynylady.
Aıta keteıik, jyl basynan beri aksııa aıasynda 4203 muqtaj oqýshylarǵa 42 mıllıon teńgeden astam somada kómek kórsetilgen.
Aksııaǵa qatysýǵa nıettiler kámeletke tolmaǵandardyń quqyqtaryn qorǵaý bólimine myna telefondar arqyly habarlasa alady: 8 701 187 68 68, 8 778 381 68 39.
Aıta keteıik, az qamtylǵan otbasylarǵa kómek turaqty negizde kórsetiledi. Jyl basynan beri balalarǵa smartfondar, noýtbýkter, kıim-keshek, kitaptar, ústel oıyndary satyp alynyp, qarjylaı kómek kórsetildi.
6 mamyrda "Sıtıbank" AQ bastamasymen, BUU Qorymen (IýNISEF) seriktestikte alty jáne odan da kóp bala tárbıelep otyrǵan otbasylardan shyqqan erekshe qajettilikteri bar balalarǵa, aýyr syrqattary bar balalarǵa kómek kórsetildi. Jalpy, Nur-Sultanda 40 balaǵa noýtbýkter taratyldy.