Bas memlekettik sanıtarlyq dárigeriAıjan Esmaǵambetova 17 tamyzdan bastap qandaı nysandar jumysyn bastaıtynyn aıtty, - dep habarlaıdy Egemen.kz.
"Osy ýaqytqa deıin qyzmetine tyıym salynbaǵan nysandar dúısenbiden ári jumysyn jalǵastyra beredi. Osy nysandardan bólek, saýda jáne oıyn-saýyq ortalyqtary men saýda úıleriniń jumysy qaıta jandanady. Eger buǵan deıin saýda ortalyqtarynda dárihanalar men azyq-túlik dúkenderi ǵana jumys istese, dúısenbiden bastap saýda ortalyqtarynda býtıkterde de jumys isteı alady", - deıdi Aıjan Esmaǵambetova.
Sondaı-aq, saýda jelileri men ashyq bazarlar jumys isteı bastaıdy.
"Sulýlyq salondarynyń, sulýlyq ortalyqtarynyń, shashtarazdardyń, SPA-ortalyqtarynyń jumysyna ruqsat etiledi. Bul nysandardyń barlyǵyna qatań talaptar qoıylady. Bıznes nysandary osy talaptarǵa saı bolýy kerek. Talaptar eń aldymen, karantındi jeńildetýdiń alǵashqy kezeńderinde nysanda adamdardyń kóp jınalmaýyna, áleýmettik qashyqtyqtyń qamtamasyz etilýine baǵyttalǵan", - deıdi ol.