Anar Jaıylǵanova Qasym-Jomart Toqaevqa agenttik jumysynyń negizgi baǵyttary boıynsha esep berdi, dep habarlaıdy Egemen.kz Aqordaǵa silteme jasap.
Agenttik basshysy ákimshilik-memlekettik qyzmet baǵytyndaǵy kadr saıasatyn qalyptastyrý, memlekettik qyzmetshilerdiń salalyq zańnama men etıkalyq normalardy saqtaýyn baqylaý, sondaı-aq, memlekettik qyzmet kórsetý sapasynyń jaǵdaıy týraly baıandady.
Memleket basshysy «Prezıdenttik jastar kadrlyq rezervi» boıynsha jumysty jalǵastyrýdy, oǵan engen azamattardyń jumyspen qamtylýyna monıtorıng júrgizý jáne rezervke kirý sharttaryn retteýdi tapsyrdy.
Qasym-Jomart Toqaev 2021 jyly «Prezıdenttik jastar kadrlyq rezervine» taǵy bir konkýrstyq irikteýdi ótkizý jóninde tapsyrma berdi. Konkýrsty ótkizý barysynda memlekettik organdardyń qajettilikterin eskerip, irikteletin kandıdattardyń sanyn qysqartý kerek ekenin aıtty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.