Balalar arasynda uıymdastyrylǵan "Janýarlar – meniń dostarym!" respýblıkalyq konkýrsy márege jetti, - dep habarlaıdy Egemen.kz.
Baıqaýdyń saltanatty quttyqtaý is-sharasy Bas demeýshi "Edu Stream" kompanııasynyń EduStream KZ atty Youtube arnasynda onlaın ótti.
Baıqaý Qazaqstan Respýblıkasy Prezıdentiniń qoldaýymen, Dúnıejúzilik qorshaǵan ortany qorǵaý kúni aıasynda, Bilim jáne ǵylym, Mádenıet jáne sport mınıstrlikteriniń qoldaýymen, «Balalar Álemdi Beıneleıdi» Qoǵamdyq Qory, bas seriktes «Edu Stream» kompanııasynyń jáne «Tehnodom» men «Nastoıashıı Býratıno» syndy seriktesterdiń demeýshiligimen ótti.
2020 jyldyń 1 sáýiri men 15 shildesi aralyǵynda ótken baıqaýǵa elimizdiń túkpir-túkpirinen tórt myńnan astam bala qatysqan. Qatysýshylardyń shyǵarmashylyǵy 6-8, 9-11, 12-14 jáne 15-17 jas mólsheri boıynsha jiktelip, ár toptan úsh jeńimpaz anyqtalǵan. Sondaı-aq bas júlde syılyǵy taǵy bar. Sonymen baıqaýdyń bas júldesine Almaty qalasynyń turǵyny Marııa Ivanıchenko (15 jas) laıyq dep tanyldy.
Bas júlde ıegeri Marııa Ivanıchenko konkýrstyń bas demeýshisi «Edu Stream» kompanııasynan Avstrııaǵa joldama jáne Apple iPad tabystaldy. Avstrııaǵa sapar sertıfıkatyn ár toptaǵy 1-shi oryn ıegerleri de aldy. Barlyq jeńimpaz «Tehnodom», «Nastoıashıı Býratıno» kompanııalarynyń smartfon, samokat jáne basqa da qundy syılyqtaryn ıelendi. Ishki Ister Mınıstrligi konkýrsqa qatysqan Jasmın Nazar, Adelıa Ahmet, Fatıma Ryzaevaǵa arnaıy syılyq – planshetter tabystady. Sonymen qatar qysqa beıne túsiretin «LIKEE» ǵalamdyq platformasy, «Dobrovolnoe obshestvo «Mıloserdıe» qoǵamdyq qory, «Animal Security» qoǵamdyq qory, «Belyı bım» janýarlar panasynyń yntalandyrý syılyqtary da ıelerin tapty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.