Reseıdiń «Rostov» klýbynda óner kórsetetin jerlesimiz Bahtıer Zaınýtdınov SSKA-ǵa aýysýy múmkin.
Chempıonat.kom saıtynyń habarlaýynsha, búginde Qazaqstan quramasynyń oıynshysy Baqtıer Zaınýtdınovty satyp alý úshin SSKA men «Rostov» kelissózder júrgizýde. Taraptar kelisimge jaqyn.
Reseı chempıonatynyń ótken maýsymynda Zaınýtdınov «Rostovta» 17 match ótkizip, tórt goldyń avtory atandy. Jańa maýsymda onyń esebinde úsh oıyn bar. Jartylaı qorǵaýshynyń «Rostovpen» kelisimsharty 2020 jyldyń sońyna deıin jasalǵan, al onyń transferlik quny eki mıllıon eýroǵa baǵalanady.