Tar jerde tabysqan, keń jerde kelisedi

Káribaı MUSYRMAN,

Qazaqstan halqy Assambleıasynyń múshesi, Soltústik Qazaqstan oblystyq máslıhatynyń depýtaty, halyqaralyq «Qazaq tili» qoǵamy oblystyq bólimshesiniń tóraǵasy.

Astanadaǵy Táýelsizdik saraıynda ótken «Nur Otan» partııasynyń kezekten tys HV sezinen úlken shabytpen oralyp, taǵylymdy oı túıip qaıttyq. Elimizdegi eń qýatty saıası kúshke aınalyp, qalyń jurtshylyqty «Qazaqstan-2050» Strategııasy belgilep bergen asqaraly mindetterge judyryqtaı jumyldyryp kele jatqan partııanyń eń joǵary forýmy Saıası doktrına qabyldaýymen este qaldy.

Káribaı MUSYRMAN,

Qazaqstan halqy Assambleıasynyń múshesi, Soltústik Qazaqstan oblystyq máslıhatynyń depýtaty, halyqaralyq «Qazaq tili» qoǵamy oblystyq bólimshesiniń tóraǵasy.

Astanadaǵy Táýelsizdik saraıynda ótken «Nur Otan» partııasynyń kezekten tys HV sezinen úlken shabytpen oralyp, taǵylymdy oı túıip qaıttyq. Elimizdegi eń qýatty saıası kúshke aınalyp, qalyń jurtshylyqty «Qazaqstan-2050» Strategııasy belgilep bergen asqaraly mindetterge judyryqtaı jumyldyryp kele jatqan partııanyń eń joǵary forýmy Saıası doktrına qabyldaýymen este qaldy.

Sezde sóılegen sózinde Elbasy, «Nur Otan» partııasynyń Tóraǵasy Nursultan Nazarbaev qatarynda 900 myńdaı múshesi bar saıası uıymnyń naqty nátıjeniń, ilkimdi istiń uıytqysy, bastaýshysy ekenin naqty mysaldarmen dáıekteı kelip, elimizdi álemniń eń qýatty 30 eliniń qataryna qosý sekildi uly murat, bıik maqsat jolyndaǵy saıası qujattyń mán-mańyzyn atap kórsetti. Osy baǵytta «Nur Otan» partııasy aldynda turǵan 7 kóshbasshylyq qadamdardy belgilep berdi.

Jańa Saıası doktrına jobasynyń sezd qaraýyna usynylmas buryn jalpyhalyqtyq talqylaýǵa túskeni málim. Jer-jerlerde aıtylǵan usynys-pikirlerdiń jan-jaqty eskerilgeni ábden quptarlyq. Sonyń bir parasy otanshyldyq rýh pen ana tilimizge qatysty. Ásirese, memlekettik til mártebesin arttyrýǵa qatysty arnaıy baǵdarlama Úkimet tarapynan júıeli atqarylyp keledi. «Qazaqstan-2050» Strategııasy–qalyptasqan memlekettiń jańa saıası baǵyty» Joldaýynda «qazaq tili 2025 jylǵa qaraı ómirdiń barlyq salasynda ústemdik etip, kez kelgen ortada kúndelikti qatynas tiline aınalady. Osylaı táýelsizdigimiz búkil ultty uıystyratyn eń basty qundylyǵymyz – týǵan tilimizdiń mereıin ústem ete túsedi. Tilge degen kózqaras, shyndap kelgende, elge degen kózqaras ekeni daýsyz», dep anyq jazylǵan.

Prezıdenttiń memlekettik tilge qatysty aıtylǵan salıqaly oılary men tabandy ustanymdary Doktrınada el men halyqty biriktiretin basty faktorlardyń biri retinde kórinis tapqan. Sol sııaqty, óskeleń urpaq boıyna otanshyldyq, adamgershilik qasıetterdi sińiretin ulttyq, halyqtyq qundylyqtardy qalyptastyrýǵa da aıryqsha mán berilgen. Osy oraıda Nursultan Ábishulynyń Qazaqstan halqy Assambleıasynyń mereıtoılyq HH sessııasynda: «Assambleıanyń eń bas­ty mindeti – elimizdegi qoǵamdyq kelisim. Al ultaralyq tatýlyq máselesi – Assambleıanyń san qyrly qyzmetiniń bir parasy ǵana. Qazaqstandaǵy qoǵamdyq kelisim, eń aldymen, qazaqtyń kelisimi ekenin myqtap este ustaǵan abzal. Tatýlyq pen turaqtylyq el ıesi retinde eń aldymen qazaqqa kerek. Qazaqtyń yntymaǵy men birligi myqty bolmaıynsha, memlekettiń tutastyq kelbetin saqtaý múmkin emes. Halqymyz «Tar jerde tabysqan, keń jerde kelisedi» demeıtin be edi? Eń tar zamandarda qazaq qushaǵyna alǵan ózge etnos ókilderi búginde óz baýyrlarymyz atanyp, bizben bir halyqqa aınaldy», degen ataly sózderi oıǵa oralady osyndaıda. Sanaly azamat úshin súıekten ótetindeı salmaqty da salıqaly sóz emes pe?

Sony aıǵaqtaıtyn sandaǵan mysaldardy kúndelikti ómirde kezdestirip júrmiz. Qazaqstannyń namysyn qorǵap, ataǵyn shartarapqa tanytqan sańlaq sportshymyz Gennadıı Golovkınniń «Men – qazaqpyn!» degen júrekjardy lúpili kimdi sendirmeıdi?! London Olımpıadasynda bizdiń komanda kópultty elimizdiń, kóptegen etnos­tardyń berik jáne yntymaqty shańy­raǵynyń birtutas jasaǵy retinde saıysqa túsip, patrıotızmniń uly kúshi arqasynda 7 altyn me­daldi qanjyǵaǵa baılady. Osynsha márte Memlekettik ánuranymyz shyrqalyp, jeńis saltanatyna búkil qazaqstandyqtar ortaqtasty. Qaharman boksshymyz Serik Sápıevtiń ákesi qazaq bolǵanymen, anasy basqa ult ókili ekendigi de Elbasymyz aıtqandaı «óz baýyrlarymyz!» degen ǵajap uǵymnyń qudiretin aıǵaqtaı túskendeı. Álbette, bul sonaý Keńes Odaǵy ydyrap, ata-babalarymyz arman etken Táýelsizdikke ıe bolǵan qıyn-qystaý kezeńde táýekelge bel býyp, egemen elimizdiń bılik tizginin qolǵa alyp, az ǵana ýaqyttyń aralyǵynda órkenıetti eldermen terezesi teń barys beıneli qýatty memleketke aınaldyra bilgen kemel Kóshbasshymyzdyń dosty súısindiretin, dushpandy kúıindiretin máýeli jemisi ekeni kúmánsiz. Sol sebepti Saıası doktrınada partııanyń basty mindetteriniń biri jańa qazaqstandyq patrıotızm qalyptastyrýdyń jalpyulttyq túpqazyǵy bolý tıistiligi atap ótilýi tekten tek emes.

Elbasymyzdyń «el ıesi» degen sózine aldymen biz, qazaqtar, jete mán berýimiz kerek. Qyzyljar óńirindegi bázbir aǵaıyndarymyz zaman ózgergenin, ózderiniń endi el, jer qojasy ekendikterin, memleket quraýshy ult ókilderi bolyp tabylatyndaryn jete eskermeı, eski psıhologııa jetegine erip, keı kezderi jónsiz ulttyq qyzbalyq pen kijinýshilikke urynyp qalatyndary jasyryn emes. Naýryz aıtysynda erteńgi úmitimiz retinde úkilep, sahna tórine shyǵarǵan jas talap aıtyskerlerdiń qaısybireýleri jurt aldynda basqa ult ókilderiniń kóńilderine óshpes qaıaý salatyndaı oǵash pikirler aıtyp, saıası óreleriniń tómendigin kórsetip alǵanyna qaradaı uıalǵanymyz bar. Biz el ıesi retinde basqa ult ókilderin keýdeden ıtermeı, kerisinshe, dana halqymyzǵa tán keń minezben baýyrymyzǵa tartyp, kez kelgen kókeıkesti máseleni «keń jerde kelisip» sheshsek, tek utarymyz anyq.

Sezde Elbasy partııaǵa jalpyulttyq birliktiń ortalyq býyny bolýdy, kópetnosty halqymyzdyń birligi úshin joǵary jaýapkershilik mindetterin júktep, memlekettik tildi nyǵaıtýǵa, qazaqtyń dástúri men mádenıetin jańǵyrtýǵa baılanysty qoǵamdyq-saıası jumystardyń júıesin jasaýdy tapsyrdy. Shúkirshilik, Keńes ókimeti tusynda qazaq aýyldarynda jabylyp qalǵan ulttyq mektepter qaıtadan ashylyp, jańadan boı kótergenderi de barshylyq. Qazir oblystaǵy qazaq balalarynyń 65 paıyzy ana tilinde bilim alady. Bul kórsetkish 1990-1991 oqý jylynda 25 paıyzdy ǵana quraıtyn. Petropavl qalasynda buryn bir-aq qazaq mektep-ınternaty bolsa, qazir 6 ulttyq bilim úıi, 15 aralas mektep jumys isteıdi. «Altyn besik» qazaq balabaqshasyna baratyn 320 búldirshinniń 75-i –basqa ult ókilderiniń balalary. Bul –olardyń ata-analarynyń Elbasynyń «Qazaqstannyń bolashaǵy – qazaq tilinde!» degen salıqaly saıasatyna ún qosyp, óz taǵdyrlaryn Qazaqstanmen máńgilikke baılanystyrǵanynyń bir belgisi bolsa kerek.

Memleket basshysy sezde atap ótkendeı, qoǵamdyq kelisim, ulttyq tatýlyq uǵymynyń aýqymy keń. Árbir qazaqstandyqtyń bolashaqqa berik senimin, qoǵamdyq eńbekke jigerin, jaqsy turmysqa umtylysyn arttyratyn osy bir faktor Doktrınanyń altyn arqaýy, túp qazyǵy desek te bolady. Alar orny men saıası mańyzyn erekshelep turǵanyna kóz jetkizý qıyn emes. Qazaqstan–bárimizdiń qasıetti mekenimiz bolsa, erekshe jaýapkershilik bizderge, qazaqtarǵa júkteletinin taǵy da qaıtalap aıtqymyz keledi. Biz el ıesi retinde neǵurlym bıik tursaq, soǵurlym ózgelerge syıly bolarymyz sózsiz.

Soltústik Qazaqstan oblysy.

Bastamany jastar jalǵastyrady

Maqsat BAIаNBAEV,

M.Áýezov atyndaǵy OQMÝ

jastar ortalyǵynyń dırektory.

«Nur Otannyń» kezekten tys HV quryltaıy el tarıhyndaǵy eleýli oqıǵa­lardyń biri ekenine eshkimniń de daýy joq. Eleýli deýge sebep, adam múddesi, azamat jaýapkershiligi, memlekettiń damý joly jan-jaqty qamtylǵan «Nur Otan. Nurly bolashaq jolynda» atty jańa Doktrına qabyldandy. Halyqtyń ál-aýqaty men ıntellektýaldy bilimi, ulttyq mádenıeti men rýhanııatyn kóterý týraly máseleler kórinis tapqan bul Doktrına – asa mańyzdy saıası qujat.

Bul qujat «Qazaq­stan-2050» Strategııasyn jú­­zege asyrýdyń ıdeologııa­lyq baǵyttaýshysy ispet­ti. Birinshi kezekke adamger­shi­lik qasıetterdi, ulttyq qundylyqtardy shyǵaryp, bos­tandyq pen qoǵamdyq ke­lisim, ádilettilik, salamat­ty­lyq qaǵıdattaryn usta­na bilgen elde saıası, ekono­mıkalyq, áleýmettik máse­le­ler óz sheshimin tabatyny belgili. Doktrınada   elimizdiń eń basty qasıetti qundylyǵy – Táýelsizdikke erekshe mán berilgen. Jalpy halyq, ult bolyp, birlik pen kelisimdi tý etip, táýelsizdigimizdi nyǵaıtýymyz qajet.

Maqsat – aıqyn, meje – belgili, mindet – ortaq. Endi «Qazaqstan – meniń Otanym» dep soqqan árbir júrek el kelesheginiń kemel de kelisti bolýy úshin ter tókse degen izgi tilek bar. Elbasynyń búgingi bastamalaryn erteń jalǵastyratyn jastar, ıaǵnı bizder. Sondyqtan elimizdegi barsha qurdastarymyzdy baǵdarly jospardyń júzege asyrylýy úshin búginnen bas­tap eńbek etýge shaqyramyn.

ShYMKENT.

Qajyr-qaıratymyz – nurly bolashaqqa

Ásel MÚLIKOVA,

Jastardyń stýdenttik qurylys jasaǵy Shyǵys Qazaqstan oblystyq shtabynyń basshysy.

Elbasy – «Nur Otan» par­tııasynyń Kóshbasshysy Nursultan Nazarbaev partııa­nyń HV sezinde óziniń jas­tarǵa erekshe senim arta­tyn­dyǵyn taǵy bir márte atap ótti. Biz, Shyǵys Qazaq­stan oblysynyń jastary nurly bolashaqtyń irgesin qalaýshy Elbasynyń bizge artyp otyrǵan abyroıly jú­gin keleshekte laıyqty iske asyratyndyǵymyzǵa to­lyqtaı senimdimiz! Sebe­bi, búginimiz turaqty, kele­shegimiz baǵdarly.

Qazaqstanda jastar úshin barlyq jaǵdaı jasalýda. Ár­bir jas qazaqstandyq ǵylym men bilimniń, mádenıet pen ónerdiń, sport pen berekeli eńbektiń jemisi men jeńisin tatýda. Bul – aǵa urpaqtyń ini urpaq aldyndaǵy asqan jaýapkershiliginiń jarqyn kó­rinisi. Endigi maqsat – osy ıgi dástúrdi keleshekke tabystaý.

Baqyttyń kilti eńbekte! Búgingi qoǵamda tek shynaıy eńbektiń ǵana yrys-ne­sibesi mol bolmaq. Elba­sy­myz­dyń aldymyzǵa qoıyp otyrǵan basty maqsaty eń­bek qoǵamyn qurý. Osy oraıda Saıası doktrınanyń «Qazaqstan-2050» Strate­gııa­symen úılesýi onyń qoǵamdyq qajettiliktiń barlyq máseleli tustaryna jaýap beretindigin tolyqtaı qýattaıdy.

Jastar qoǵamdy alǵa qoz­ǵaýshy kúsh esebinde Elbasynyń senimdi tiregi bolýlary kerek. Bizder stýdent bola tura, qurylys salasynda jumys istep, óńirimizdiń áleý­mettik-ekono­mıkalyq da­mýyna ózindik úles qosý­damyz. Jyl saıyn qatary­myz­ǵa jumys istegisi keletin jastardyń kóptep qosylýy bizdi qýantady. Bul – jastarymyzdyń masyldyq psıhologııadan arylyp, óz bolashaǵynyń qoǵammen tikeleı baılanysta ekendigin sezingeniniń belgisi.

Biz, jastar ózimizdiń adal eńbegimiz ben qajyr-qaıratymyzdyń arqasynda ǵana nurly bolashaqqa jol tartyp, ozyq oıly otyz eldiń ortasynan oryn alamyz. Oǵan senimimiz mol!

Abyroıly iske barsha jastardy qosylýǵa shaqy­ryp, jigerlerine jalyn, eń­bekterine tabys, boılaryna qýat tileımiz.  

О́SKEMEN.