Ýkraın eliniń belgili kásipqoı boksshylary Vıtalıı jáne Vladımır Klıchkolar ózderiniń balalyq shaǵy ótken jerde boldy. Bul úshin olar aldymen Taraz qalasyna kelip, oblys ákimi Qanat Bozymbaevpen birge jaqynda ǵana qurylysy aıaqtalǵan «Taraz-Arena» sport kesheninde boldy. Odan keıin Turar Rysqulov aýdanynyń ortalyǵy – Qulan aýylyna sapar shekti. Munda Vıtalıı men Vladımır qazirgi Qulan, burynǵy Lýgovoı aýylyndaǵy bir kezderi ata-anasymen birge turǵan úıge baryp, ózderi alańsyz oınap ósken aýlany aralady.
Ýkraın eliniń belgili kásipqoı boksshylary Vıtalıı jáne Vladımır Klıchkolar ózderiniń balalyq shaǵy ótken jerde boldy. Bul úshin olar aldymen Taraz qalasyna kelip, oblys ákimi Qanat Bozymbaevpen birge jaqynda ǵana qurylysy aıaqtalǵan «Taraz-Arena» sport kesheninde boldy. Odan keıin Turar Rysqulov aýdanynyń ortalyǵy – Qulan aýylyna sapar shekti. Munda Vıtalıı men Vladımır qazirgi Qulan, burynǵy Lýgovoı aýylyndaǵy bir kezderi ata-anasymen birge turǵan úıge baryp, ózderi alańsyz oınap ósken aýlany aralady.
Qara shańyraqtaryn áli kúnge deıin buzbaı otyrǵan úıdiń búgingi qojaıynyna eskertkish syılyq tapsyrdy. Oqyǵan mektebine de soǵyp, onyń búginde balabaqshaǵa aınalǵanyn kórdi. Vıtalııdiń bala kezdegi ustazdary men bir-eki synyptastary da tabylyp, ótken jyldardan este qalǵan qyzyqty oqıǵalar da aıtyldy. Aǵaıyndy boksshylar ózderi júrgen kóshelerdi de aralap kórip, saǵynyshty jyldaryn eske aldy.
Tarıhqa bir sát kóz júgirtsek, álem chempıondarynyń atasy Rodıon Klıchko men ájesi Tamara Efımovna soǵystan keıin Qazaqstanǵa jer aýdarylady. Mine, sol jyldary búginde kúrzi judyryǵymen álem boks jankúıerleriniń tańdaıyn qaqtyrǵan Klıchkolardyń ákesi Vladımır dúnıege keledi. Ol oqyp, erjetken soń ushqyshtar ýchılıshesin ınjener-qurylysshy mamandyǵy boıynsha bitirip, Chehoslovakııada, Qyrǵyzstanda, Qazaqstanda jáne Baltyq jaǵalaýy elderinde áskerı áýejaılar salý boıynsha qyzmet etedi. О́miriniń sońyna qaraı Ýkraına elshiliginiń Germanııa men NATO-daǵy áskerı attashesi bolǵan Vladımır Rodıonovıch Klıchko general-maıor dárejesine deıin kóterilgen. Al aǵaıyndy Klıchkolardyń anasy Nadejda Ýlıanova bastaýysh synyp muǵalimi bolǵan eken.
Álbette, ákesi Qulan aýyly mańyndaǵy áýejaıda qyzmet etip júrgen kezde aǵaıyndy boksshylardyń úlkeni Vıtalıı osyndaǵy mektepke baryp oqydy. Al Reseı maqtanyshy Aleksandr Povetındi kúni keshe ǵana jeńgen Vladımır bolsa ol kezde áli kishkentaı bolatyn. Olardyń esinde áskerı qyzmettegi ákesimen birge Qazaq eliniń bir túpkiri – búgingi Qulan, keshegi Lýgovoı aýylynda ótkizgen baqytty balalyq shaqtary mine, osylaısha qalyp qoıǵan edi.
Jambyl oblysy.
Sýrette: aǵaıyndy Vıtalıı jáne Vladımır Klıchko.