Qoǵam ómirindegi eleýli ózgeristerge úkimettik emes uıymdar qalaı úles qosyp otyr? Bul másele oblystyq ákimdiktiń qoldaýymen ótken VI Azamattyq forýmnyń barysynda keńinen talqyǵa tústi.
– Memleketimizdiń saıası júıesin qalyptastyrýda azamattyq qoǵam ınstıtýttarynyń alatyn orny erekshe, – dedi oblys ákiminiń orynbasary Shyńǵys Muqan forým barysynda.
Qoǵam ómirindegi eleýli ózgeristerge úkimettik emes uıymdar qalaı úles qosyp otyr? Bul másele oblystyq ákimdiktiń qoldaýymen ótken VI Azamattyq forýmnyń barysynda keńinen talqyǵa tústi.
– Memleketimizdiń saıası júıesin qalyptastyrýda azamattyq qoǵam ınstıtýttarynyń alatyn orny erekshe, – dedi oblys ákiminiń orynbasary Shyńǵys Muqan forým barysynda.– Qazirgi tańda oblysta 329 qoǵamdyq birlestik tirkelgen. Olar halyqtyń qoǵamdyq-áleýmettik jaǵdaıyn jaqsartý, dinı ahýaldy turaqtandyrý, ultaralyq tatýlyqty saqtaý sekildi mańyzdy máselelerdiń túıinin tarqatýǵa belsendi túrde qatysýda. Memlekettik organdar men qoǵamdyq uıymdardyń eńbek qatynastary men áleýmettik máseleler, dinı ahýal tóńiregindegi kózqarasy bir arnaǵa toǵysyp, ózara túsinistik ornady.
Árıne, qaı qoǵamda da túıtkildi máseleler bolmaı turmaıdy. Degenmen, kúndelikti tirlikte kezdesip jatatyn san alýan problemalardy sheshýge jergilikti bılikpen birge, úkimettik emes uıymdar da óz úlesin qosa alsa ǵana oń nátıjege ıek artylady. Memleket olardyń jumysyn jandandyrýyna qarjylyq turǵydan qoldaý kórsetip otyr. Máselen, bıylǵy jyly Atyraý oblysynda osyndaı uıymdarǵa bólinetin qarjy úsh esege artypty. Alaıda, Sh.Muqannyń aıtýynsha, sońǵy kezde úkimettik emes uıymdar basshylarynyń ortaq múdde jolynda jumys júrgizýden góri, aldymen ózderiniń máselelerin sheshýge beıim turatyny baıqalyp qalady.
Shyndyǵyn aıtý kerek, kóbinese úkimettik emes uıymdarmen oblystyq ishki saıasat basqarmasy ǵana baılanys ornatqany daýsyz. Al ózge basqarmalar úkimettik emes uıymdarmen jumys júrgizýge umtylys tanyta bermeıdi. Osy oraıda ishki saıasat basqarmasynyń basshysy Ásııa Qystaýbaeva óńirdegi ózge de basqarmalar tarapynan salalyq úkimettik emes uıymdarmen baılanys ornatyp, jumysty shıratý qajet, dep esepteıdi. Sonymen birge, aýdandardaǵy úkimettik emes uıymdarmen baılanys jónindegi keńesterdiń jumysynda jańashyldyq tanytylyp, jergilikti ákimdikter tarapynan aýyldardaǵy osyndaı qurylymdardyń oıdaǵydaı jumys júrgizýine qoldaý kórsetkende ǵana osy saladaǵy baılanys búgingiden de jandana túsedi.
Joldasbek ShО́PEǴUL,
«Egemen Qazaqstan».
Atyraý oblysy.