Shyǵys Qazaqstan oblysyna jumys saparymen kelgen Densaýlyq saqtaý mınıstri Alekseı Soı óńirdegi medısınalyq nysandardy, tumaýǵa qarsy vaksınanyń, dárilik preparattardyń mólsherin jáne mobıldi brıgadamen qamtamasyz etilýin qarap shyqty, dep habarlaıdy Egemen.kz.
Densaýlyq saqtaý mınıstri aldymen О́skemendegi №4 qalalyq aýrýhananyń jóndeý jumystarymen tanysty. Jóndeý jumystary jospar boıynsha aıaqtalǵan soń stasıonardyń dıagnostıkalyq blogy jyljymaly rentgen jáne kompıýterlik tomografııa apparattarymen jabdyqtalady. Al palatalardyń barlyǵy ottegimen ortalyqtandyrylmaq. Jaǵdaıy aýyr naýqastar úshin reanımasııa bóliminde 15 tósek jáne ókpeni jasandy jeldetý apparattary ornatylady.
- Biz bolýy múmkin koronovırýs ınfeksııasynyń jańa tolqynyna daıyndyqty tyńǵylyqty júrgizgenimiz jón. Qaıta jańartylyp jatqan aýrýhana ǵımaratyndaǵy jumystar kestege saı istelip jatyr. О́tkir resperatorlyq vırýstyq aýrýlar kezinde naýqastardy ýaqytyly qabyldaýǵa daıyn bolýymyz kerek, - dedi elimizdiń bas dárigeri Alekseı Soı.
Qazirgi ýaqytta jóndeýden ótip jatqan aýrýhananyń pýlmonologııalyq bólimshesi emdeý-dıagnostıkalyq qurylymymen qamtylǵan jeke ǵımaratqa kóshirilgen. Epıdemıologııalyq jaǵdaıdy eskere otyryp, stasıonar tolyq jabdyqtalǵan. Aldaǵy ýaqytta JRVI men tumaýǵa shaldyqqandar, sonyń ishinde «COVID-19» indetin juqtyrǵandar jatqyzylýy da múmkin.
О́skemen qalasynyń № 2 emhanasy da mınıstrdiń nazarynan tys qalmady. Bul medısınalyq uıym 667 naýqasqa shaqtalǵan. Júzge jýyq dáriger qyzmet etetin aýrýhanadan jyl basynan beri 3 myńnan astam adam emdelip shyǵypty.
Densaýlyq saqtaý mınıstri Alekseı Soı Shyǵys "Qazaqstan oblystyq aýrýhanasy" dıagnostıkalyq ortalyǵyna da buryldy. Bul aýrýhana qyzmetiniń negizgi baǵyty - qan aınalymy júıesi aýrýlaryn emdeý. Ol úshin medısınalyq uıym júrek, tamyr, býyn aýrýlaryn emdeıtin zamanaýı jabdyqtarmen jabdyqtalǵan.
Shyǵys Qazaqstan oblysynda halyq sany - 1 378 527 adam,
Stasıonarlyq úlgidegi aýrýhana men emhanalar sany - 31
Mobıldi brıgada sany - 373.
О́kpeni jasandy jeldetý apparaty – 241 dana
Ottegi konsentratory - 1056 dana.
1 qyrkúıektegi statıstıka boıynsha aımaqta - 8213 adam koronovırýstyq ınfeksııamen aýyrǵan.