Búgin Zaısan aýdany, Qaratal aýylynda keshki saǵat altylar shamasynda qatty daýyl soǵyp, birneshe úıdiń shatyryn ushyryp ketken.
Buryn-sońdy mundaı joıqyn daýyldy kórmegen turǵyndar abdyrap qalǵany anyq. Naqtyraq aıtsaq, tabıǵattyń tosyn minezi 25 nysanǵa zaqym keltirgen. Onyń on besi turǵyn úı. Abyroı bolǵanda, adamdar aman.
Zaısan aýdany ákiminiń orynbasary Serik Tilemisovtyń aıtýynsha, tabıǵı apat oryn alǵan aýyldy tótenshe jaǵdaı komıssııasy kórip qaıtty. Aldaǵy ýaqytta qosymsha aqparattar beriledi.