Senim kabınetterinde jastar men jas otbasylar joǵary bilikti psıhologtardan tegin keńes pen psıhologııalyq qoldaý ala alady. Otbasylyq daǵdarystardy shyǵynsyz qalaı eńserýge jáne otbasyn qalaı saqtap qalýǵa bolatynyn biledi. Psıhologtar jastar men stýdentter úshin bolashaq otbasylarda tıimdi kommýnıkasııa qurýǵa, turmystyq zorlyq-zombylyqtyń aldyn alýǵa jáne otbasylyq qatynastardyń basqa da aspektilerine arnalǵan kezdesýler, semınar-trenıngter men dárister ótkizedi.
Otbasy-qoǵamnyń negizgi áleýmettik ınstıtýty. Otbasynyń aýyr qarjylyq jaǵdaıy, onyń turmystyq problemalary qazaqstandyq qoǵam ómiriniń barlyq basqa salalaryna teris áser etedi. Jobanyń negizgi maqsaty-Almaty qalasyndaǵy Otbasy ınstıtýtyn nyǵaıtý jáne turmystyq zorlyq-zombylyqtyń aldyn alý.
Senim kabınetteri sanıtarlyq-epıdemııalyq normalardy qatań saqtaı otyryp, face-to-face formatynda jáne onlaın-rejımde jumys isteıtin bolady.
Aıta ketý kerek, Memleket Basshysy Qasym-Jomart Toqaev "Qazaqstan Jańa naqty jaǵdaıda: is-qımyl kezeńi" atty Qazaqstan halqyna Joldaýynda otbasylyq saıasatty damytýǵa erekshe nazar aýdardy.