Biz osydan eki kún buryn Shyǵys Qazaqstan oblysynda 15 jyl joǵalyp ketip, «óldige» sanalǵan áıeldiń otbasyna oralǵany týraly jazǵanbyz. Bul týraly О́skemenniń yk.kz saıty habarlady.
Sóz bolyp otyrǵan Lázzat Beıseqanova (sýrette) 1999 jyly otbasyn asyraıtyn tabys tabý úshin ózi turatyn Tarbaǵataı aýdanyndaǵy Tuǵyl aýylynan Almatyǵa attanady. Úıde úsh balasy men kúıeýi qalady. Biraq ońtústik astanaǵa barǵan boıynda kóliktiń astyna túsip qalyp, aýrýhanaǵa jatyp shyǵady. Osydan bastap áıel jadynan aırylyp, óziniń kim ekenin jáne qaıdan kelgenin esine túsire almaıdy. Keselhanadan osyndaı qalypta shyqqan ony sonda sanıtar bolyp jumys jasaıtyn áıel alyp ketip, úıine panalatady. Úı ıesine alǵysy retinde Lázzat sosyn onyń baspanasyn jóndep beredi. Munyń jasaǵan jumysyn unatqan sanıtar áıel keıin qurbysyna tapsyrys bergizedi. Osylaısha Lázzat tabys tabýdyń bir kózine ıe bolady. Keıinirek tipti páter jaldap turýǵa da shamasy jetedi.
Biraq osy jyldardyń bárinde oǵan óziniń qaıdan kelgenin, týystary kimder ekenin bilýge degen qushtarlyq maza bermeıdi. Aqyrynda sol oımen ol jergilikti bir balger áıelge jolyǵady. Al kóripkel: «Sen ózińniń kúnde baryp júrgen jerińe bara ber. Izdegenińdi sol jerden tabasyń», - deıdi. Aıtqanyndaı,
Arada birneshe kún ótkende, ózi kúnde azyq-túlik ónimderin alyp júrgen dúkenge barǵanynda, qarsy aldynan Tuǵylda kórshi turǵan tanys áıeli kezdese ketedi. Lázzatty tiri kórgenine esi shyǵyp ketken áıel sol boıda Tuǵylǵa qońyraý shalady..
Budan arǵysy belgili. О́tken senbi kúni týǵan-týystary Lázzatty stansada kútip aldy. Jadynan aırylǵan áıeldiń birinshi tanyǵany óziniń týǵan sińlisi bolypty. Al on bes jylda elde kóp nárse ózgeripti. Jalǵyz uly qaıtys bolyp ketipti. Úlken qyzy turmysqa shyǵyp, eki balanyń anasy atanypty. Anasy ketkende 4 jasta bolǵan kishi qyzy Qymbat úshinshi kýrstyń stýdenti eken. Kúıeýi sodan beri úılenbepti.
Qazir Lázzattyń ózin dárigerlik tekserýden ótkizip alý kerek. Emdelip bolǵasyn úıine jiberiledi.
Murat Aıtqoja.