Aqtóbe oblysy boıynsha jedel jaǵdaıdy turaqtandyrý, sondaı-aq azamattyq jáne qyzmettik qarý aınalymyn baqylaý maqsatynda 1-30 qyrkúıek aralyǵynda “Qarý“ jedel-aldyn alý is-sharasy ótkiziledi, dep habarlaıdy Egemen.kz Polisia.kz saıtyna silteme jasap.
Jalpy oblys boıynsha tirkelgen 8 416 atys qarýynyń 3 233-i turǵylyqty jeri boıynsha tekserildi. Jedel aldyn alý is-sharasyn ótkizýdiń 10 kúni ishinde 165 ákimshilik quqyq buzýshylyq anyqtaldy, onyń ishinde qarýdy zańsyz saqtaǵany úshin – jeti, qarýdy saqtaý jáne alyp júrý erejelerin buzǵany úshin – 115 jáne qarýdy qaıta tirkeýdi buzǵany úshin – 43 derek anyqtaldy.
Zańsyz qarý aınalymynan barlyǵy jeti dana tegis uńǵyly qarý, sondaı-aq úsh dana elektroshoker tárkilendi. Barlyǵy 25 dana sýyq qarý tárkilendi. Mysaly, 3 qyrkúıek kúni QR-dan RF-ǵa ótý kezinde 36 jastaǵy Qyrǵyzstan Respýblıkasy azamatynyń basqarýyndaǵy “Mersedes Bens” avtokóligin tekserý kezinde úı zattarynyń astyndaǵy jol sómkesinen eki dana elektroshoker tabyldy.
Sondaı-aq 9 qyrkúıekte Opytnyı kentiniń 44 jastaǵy turǵynynyń saraıynan 16 kalıbrli qos tegis uńǵyly ańshy myltyǵynyń keskini tabyldy. Oqıǵa ornynan TOZ-53 16 kalıbrli ańshy myltyǵy tárkilendi. Saraptama taǵaıyndaldy. Tergeý amaldary júrgizilýde. Aqtóbe oblysy Polısııa departamenti zańsyz saqtalǵan qarýdy nemese oq-dárini óz erkimen tapsyrǵan adamdar qylmystyq jáne ákimshilik jaýapkershilikten bosatylatynyn eske salady.