Almatyda koronavırýstyń ekinshi tolqynynyń qaýiptiligi jaǵdaıynda tumaýǵa qarsy vaksınasııanyń mańyzdylyǵy týraly aıtyldy, dep habarlaıdy Egemen.kz
Almaty óńirlik kommýnıkasııalar qyzmetiniń alańynda ótken onlaın-suhbat barysynda №2 Qalalyq emhanasy bas dárigeriniń emdeý jumysy jónindegi orynbasary Nurııa Qalmuratova turǵyndardy óz densaýlyǵyna jaýapkershilikpen qaraýǵa jáne respıratorlyq aýrýlardyń ósý kezeńinde aldyn alý sharalaryna kóbirek kóńil bólýge shaqyrdy. Sondaı-aq bir ınfeksııanyń ekinshisine qabattasý qaýpin azaıtý maqsatynda tumaýǵa qarsy aldyn ala vaksınasııa júrgizý qajettigin atap ótti.
"Aldaǵy kúzgi-qysqy maýsymda COVID-19 aýrýynyń jańa tolqyny bolýy múmkin. Ol osy kezeń úshin standartty aýrýlar, ıaǵnı sýyq tııý, bakterııalyq ınfeksııalar, tumaý men pnevmonııa. Bul kútpegen asqynýlarǵa ákelýi múmkin. Osyǵan baılanysty vaksınalaý mańyzdy", dedi N.Qalmuratova.