Esil aýdanynyń ortalyǵy Iаvlenka selosyna kireberis tasjolda eski "Moskvıch" kóligine mingen 79 jastaǵy júrgizýshi qarsy baǵytta kele jatqan Volvo aýyr júk kóligine jol bermeı, oǵan qatty soǵylǵan, dep habarlaıdy Egemen.kz
Nátıjesinde, ózi men janynda otyrǵan áıeli oqıǵa ornynda qaıtys boldy. Al artta otyrǵan jolaýshy aýrýhanaǵa jetkizildi. Osy eki kólikke qatty kelip qalǵan "VAZ 2106" kóliginiń júrgizýshisi de soǵylyp, alǵan jaraqattarymen ol aýrýhanaǵa jetkizildi.
Jol-kólik oqıǵasy boıynsha Qylmystyq kodekstiń 345-baby boıynsha sotqa deıingi tergeý amaldary júrgizilýde. Anyqtaýdyń aldyn ala boljamy boıynsha "Moskvıch" avtokóliginiń júrgizýshisi manevr jasaı otyryp, qarsy baǵytta kele jatqan Volvo aýyr júk kóligine jol bermegen. Nátıjesinde, 3 kóliktiń soqtyǵysýy oryn alǵan.
Taǵy bir jol-kólik oqıǵasy Shal aqyn aýdanynda boldy, onda Uzynjar aýylynyń mańynda "ÝAZ-452A" men "KamAZ" kólikteriniń soqtyǵysýy saldarynan eki jolaýshy qaza tapty. "ÝAZ" avtokóliginiń júrgizýshisi men tórt jolaýshysy aýrýhanaǵa jetkizildi. Sotqa deıingi tergeý júrgizilýde.