Bıylǵy qańtar-tamyz aılarynda memlekettik bıýdjetke salyq túsimderi boıynsha jospar 91,4%-ǵa oryndalsa, onyń ishinde respýblıkalyq bıýdjet 80,9%-ǵa jáne jergilikti bıýdjet 116,4%-ǵa oryndaldy.
Memlekettik kirister komıtetiniń baspasóz qyzmetiniń habarlaýynsha, esepti kezeńde memlekettik bıýdjetke túsken salyq túsimderi ótken jyldyń uqsas kezeńine qaraǵanda 11,1%-ǵa (nemese 646,7 mlrd teńgege) tómendeýmen 5 trln 158,3 mlrd teńgeni qurady. Onyń ishinde respýblıkalyq bıýdjet boıynsha 24,4%-ǵa (nemese 1 037,6 mlrd teńgege) tómendedi, jergilikti bıýdjet boıynsha 25,1%-ǵa (nemese 390,9 mlrd teńgege) ósti.
Respýblıkalyq salyqtar bóliginde oryndalmaý KTS (25,0%-ǵa), ITО́-ge QQS (26,4%-ǵa), úshinshi elderden ımportqa QQS (34,3%-ǵa) jáne EAEO elderinen ımportqa QQS (23,1%-ǵa) boıynsha baıqalady.
Kórsetilgen salyqtar boıynsha túsimder ótken jyldyń uqsas kezeńimen salystyrǵanda KTS (31,9%-ǵa), ITО́-ge QQS (15,7%-ǵa) jáne úshinshi elderden ımportqa QQS (6,7%-ǵa) tómendedi.
Tómendeýdiń sebebi syrtqy jáne ishki faktorlarǵa baılanysty ekonomıkalyq ahýaldyń nasharlaýy ekeni belgili.
2019 jyldyń uqsas kezeńimen salystyrǵanda negizgi eksporttyq pozısııalarǵa, onyń ishinde munaıǵa – 36,5%, myryshqa – 18,3%, alıýmınııge – 10,9%, qorǵasynǵa – 9,3%, mysqa 5,9% kóleminde baǵanyń tómendeýi baıqalady.
2020 jylǵy 8 aıda úshinshi eldermen taýar aınalymy 11,9%-ǵa tómendedi (eksport 15,4%-ǵa, ımport 4,5%-ǵa). Onyń ishinde taýar aınalymynyń 20,7%-ǵa tómendeýi bıylǵy tamyzǵa keledi (eksport 34,9%-ǵa azaıdy, ımport 3,7%-ǵa ósti).
2020 jylǵy 8 aıda iske asyrý boıynsha aınalymdar 2019 jyldyń uqsas kezeńimen salystyrǵanda 11,6%-ǵa tómendedi (60 066,4 mlrd teńgeden 53 120,3 mlrd teńgege deıin).
Kórsetilgen kezeńde bir salyq tóleýshige onlaın BKM ortasha túsimi 32,5%-ǵa tómendedi (29,5 mln teńgeden 19,9 mln teńgege deıin).
Koronavırýstyń taralýy Qytaımen qatynasta kólik quraldary sanynyń 12,9%-ǵa, onyń ishinde avtokólik quraldarynyń 51,5%-ǵa tómendeýine ákeldi. Bıylǵy qańtar-tamyz aılarynda ımporttyń is júzindegi kólemi 27,2%-ǵa tómendedi (1 437 myń tonnadan 1 046 myń tonnaǵa deıin).
Sonyń saldarynan, QHR-dan taýarlar ımportynan kedendik bajdar men salyqtardyń túsimi 10,3%-ǵa nemese 24,3 mlrd teńgege azaıdy.
2020 jylǵy qańtar-tamyzda EAEO elderinen bólingen bajdar 14,6%-ǵa (212 mlrd teńgeden 181 mlrd teńgege deıin), onyń ishinde bıyl tamyzda 8,6%-ǵa tómendedi.
Bıylǵy 8 aıda jergilikti bıýdjetke túsetin salyq túsimderi boıynsha jospar 275 mlrd teńgege artyq oryndaý arqyly 116,4% oryndaldy.
Jergilikti bıýdjetke salyq túsimderi 1 946,3 mlrd teńgeni qurady, ótken jyldyń uqsas kezeńimen salystyrǵanda 25,1%-ǵa (nemese 390,9 mlrd teńgege) ósti. Jergilikti bıýdjet josparynyń artyǵymen oryndalýyna korporatıvti tabys salyǵynyń jergilikti bıýdjetke berilýi áser etti.