Almaty oblysynda qant qyzylshasyn qazý jumysy qarqyn aldy. Buǵan deıin óńirdegi qant óndirisi alyptarynyń biri – Kóksý qant zaýyty bıylǵy jyldyń alǵashqy ónimin qabyldaýdy bastaǵan bolatyn. Al búgin ekinshi óndiris jańa maýsymdy iske qosty. Iаǵnı Aqsý qant zaýyty aımaqtaǵy Alakól, Sarqan, Aqsý aýdandarynyń sharýalary ekken tátti túbirdi qabyldap óńdeıdi, dep habarlaıdy Egemen.kz
Osylaısha Sarqan aýdanynda qant qyzylshasyn jınaý naýqany bastaldy. Bıyl aýdan boıynsha 3167 gektar jerge tátti túbir tuqymy sebilgen, odan 126 680 tonna ónim alý oıda bar.
"Mol ónim alýǵa negiz bar. Byltyr 2850 ga tanapqa qant qyzylshasy sebilip, odan 97 myń tonnadan astam ónim alǵan edik. Qazir sharýalardyń jaz boıy kútip-baptap ósirgenderin jınap, eńbek jemisine keneletin berekeli de merekeli shaqtarynyń biri. Sondyqtan qant qyzylshasyn ósirýge den qoıǵan dıqandar da kúzdiń ár kúnin qalt jibermeı, naýqandyq jumystardy qyzdyrýda", deıdi Sarqan aýdandyq aýyl sharýashylyǵy bóliminiń basshysy Jandos О́mirsadyq.
Jalpy, aýdanda qant qyzylshasyn jınap, tasymaldaý úshin barlyǵy 80 júk kóligi, 12 kombaın jumyldyrylýda. Al tátti túbir qazý jumysy 86 sharýa qojalynyń tanaptarynda bir mezgilde bastalǵan.
О́nim de jaman emes. "Jasqant", "Elýbaev" jáne "Samal" sharýa qojalyqtary naýqan bastalǵan alǵashqy kúni-aq 275 tonna qant qyzylshasyn zaýytqa ótkizip úlgerdi.