1 qazannan bastap Jambyl oblysy ákiminiń tapsyrmasy boıynsha jylytý maýsymyn bastaý týraly sheshim qabyldandy, dep habarlaıdy Egemen.kz oblys ákiminiń baspasóz qyzmetine silteme jasap.
Energetıka jáne turǵyn úı-kommýnaldyq sharýashylyq basqarmasynyń málimetteri boıynsha oblystyq jeliler men jylýmen jabdyqtaý júıeleri jylý berý maýsymyna 100% daıyn.
Birinshi kezeńde densaýlyq saqtaý jáne mektepke deıingi bilim berý (balabaqshalar) mekemeleri jylýmen jabdyqtaýǵa qosylýda.
Kelesi kezeńde turǵyn úı, áleýmettik, kommersııalyq jáne basqa da nysandar jylýmen qamtylady. Qoldanystaǵy normatıvterge sáıkes, ol úshin syrtqy aýa temperatýrasy 5 kún boıy +8 gradýsqa teń nemese odan tómen bolýy kerek.
О́tken 5 kúnde óńirdegi ortasha táýliktik temperatýra: + 10°S-den + 11°S-ge deıin jáne sársenbi kúni ǵana + 7,5°S boldy.
Qazgıdromet ortalyǵynyń boljamyna sáıkes aldaǵy kúnderi ortasha táýliktik temperatýra juma kúni +12°S, senbi + 13°S, jeksenbi men dúısenbi kúnderi + 12°S, al seısenbi 10 ° S bolady dep kútilýde.
Alaıda, koronavırýstyq ınfeksııanyń yqtımal ekinshi tolqyny jáne JRVI aýrýlary maýsymynyń bastalýyn eskere otyryp, temperatýra kúrt tómendegen jaǵdaıda turǵyn úılerge jylýdy merziminen buryn berý máselesi qarastyrylady.