COVID-19-ben kúresýge tartylǵan 3 621 medısına qyzmetkeri koronavırýstyq ınfeksııany nemese vırýstyq pnevmonııany juqtyrǵan jaǵdaıda memlekettik áleýmettik saqtandyrý qorynan beriletin birjolǵy áleýmettik tólem aldy, dep habarlaıdy Egemen.kz.
MÁSQ aýrýdyń saldarynan qaıtys bolǵan 37 medısına qyzmetkeriniń týystaryna tólemdi aýdardy.
Budan buryn habarlanǵandaı, joǵaryda atalǵan tólem tólenetin medısına qyzmetkerlerin óńirlerdiń jáne respýblıkalyq mańyzy bar qalalardyń densaýlyq saqtaý basqarmalary janyndaǵy arnaıy komıssııalar aýyrǵan medısına qyzmetkerlerin tekserý nátıjesi negizinde anyqtaıdy. О́tinimderdi jınaqtaýdy QR Densaýlyq saqtaý mınıstrligi júzege asyrady, odan keıin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporasııasy» KEAQ-qa beriledi, sodan soń tólem taǵaıyndaý úshin MÁSQ-ǵa jiberiledi.
2 qazan saǵat 9.00-degi jaǵdaı boıynsha MÁSQ COVID-19 nemese vırýstyq pnevmonııa juqtyrǵan 3 621 medısına qyzmetkeriniń ótinishi boıynsha jáne aýrýdyń saldarynan qaıtys bolǵan 37 medısına qyzmetkerine qatysty aqshalaı qarajatty taǵaıyndaý men tóleýdi júzege asyrdy.
О́ńirler turǵysynda medısına qyzmetkerlerine COVID-19 nemese vırýstyq pnevmonııany juqtyrý jaǵdaıyna tólemniń eń kóp sany Nur-Sultan (718) jáne Almaty (420) qalalary men Qaraǵandy (404), Batys Qazaqstan (261), Aqmola (249), Atyraý (228) oblystary boıynsha júrgizildi.
Eske sala ketsek, QR Eńbek jáne halyqty áleýmettik qorǵaý mınıstri men QR Densaýlyq saqtaý mınıstriniń 9 sáýirdegi «Densaýlyq saqtaý uıymdarynyń COVID-19 koronavırýstyq ınfeksııasyna qarsy kúres jónindegi epıdemııaǵa qarsy is-sharalarǵa tartylǵan qyzmetkerleri atalǵan ınfeksııany juqtyrǵan nemese odan qaıtys bolǵan jaǵdaıda olarǵa birjolǵy áleýmettik tólemdi júzege asyrý qaǵıdalaryn bekitý týraly» birlesken buıryǵyna aǵymdaǵy jyldyń 22 shildesinde engizilgen ózgeristerge sáıkes, joǵaryda kórsetilgen tólem:
– koronavırýstyq ınfeksııa nemese vırýstyq pnevmonııa juqtyrǵan medısına qyzmetkerlerine – 2 mln teńge;
– COVID-19 koronavırýstyq ınfeksııasyn juqtyrǵannan, vırýstyq pnevmonııamen aýyryp qaıtys bolǵan jaǵdaıda olardyń otbasyna – 10 mln teńge kóleminde tólenedi.