«Monopolıst» bazasy múmkindikterdi keńeıtedi

2018 jyly tarıftik já­ne ba­­ǵalyq retteý sheń­berinde aq­pa­rat berýge baılanysty bız­nes­­tiń shy­ǵyndaryn tómendetý maq­satynda Ulttyq ekonomıka mınıstrliginiń Tabıǵı monopolııalardy retteý, básekelestikti jáne tu­tynýshylardyń qu­qyq­taryn qorǵaý komıtetiniń (qaı­ta uıym­­dastyrýǵa deıin) qyz­met­terin «Mo­nopolıst» ba­za­synyń jańa servıstik baǵ­dar­lamalyq ónimi (Tabıǵı, mem­le­kettik monopolııa­lar já­ne qo­ǵamdyq mańyzy bar na­ryqtar sý­bektileriniń aq­­pa­rat, habar­lamalar jáne esep­­­ti­lik­te­ri­niń elektrondyq de­rekqory) arqy­ly av­to­mat­tan­dyrý júzege asyryldy.

«Monopolıst» bazasy quryl­ǵanǵa deıin tabıǵı monopolııalar jáne qoǵamdyq mańyzy bar naryqtar sý­bektileri barlyq negizdeýshi materıaldarmen birge óti­nimder men esepterdi qa­ǵaz tú­rinde úlken kólemde ber­di já­ne talaptarǵa sáıkes bar­lyq qujat­tar tigilýi, nó­mirlenýi jáne t.b. bolýǵa tıis edi. Ýákiletti organǵa qu­jattardy usynýdyń bul túri kóp eńbekti qajet ete­tin jáne shyǵyny kóp bol­dy. Biraq, eń bastysy, bul qujattardy ýákiletti or­gan­nyń sýbektileri men qyz­metkerleri ǵana kórdi.

«Monopolıst» bazasyn qu­rý­dyń maqsaty – ta­rıf­terdi qa­­lyp­tastyrýdyń ashyq­tyǵyn qam­tamasyz etý, ıaǵnı endi ınternetke qol­jetimdiligi bar kez kelgen adam https://www.bazamonopolist.gov.kz siltemesi boıynsha barlyq qujattardy ashyp, zertteı alady jáne óńir nemese sýbektiniń ataýy boıynsha monopolıst ýákiletti or­ganǵa usynatyn kez kelgen óti­­nimderdi, esepterdi nemese aq­pa­ratty qaraı alady.

Búgingi tańda bazada 1 229 mo­no­polıst tirkelgen, olar «Mo­no­polıst» bazasy arqyly ko­mı­­tettiń qaraýyna 29 myńǵa jýyq qujat bergen. Sonymen qatar Monopolıst bazasynyń múm­kindikterin jetildirý já­ne keńeıtý boıynsha jumys jal­ǵasýda. Bıyl maýsym aıynda Sıfr­lyq damý, ınnovasııalar jáne aeroǵarysh ónerkásibi mınıs­tr­ligi «Monopolıst» bazasyn da­mytýdy jobalaýǵa arnalǵan tap­syrmany bekitti. Bolashaqta derekterdi sıfrlaý jáne memle­kettik de­rek­qorlarmen ıntegrasııalaý arqyly Derekqordyń jańartylǵan nusqasy osyn­­daı prosesterdi avto­mat­tandyrýǵa múmkindik beredi. Málimetterdi sıfrlandy­rý jáne memlekettik máli­met­ter bazasyn birik­ti­rý arqyly jasalǵan baza­­nyń jańa nusqasy tómen­degideı qyzmetterdi avto­mat­tandyrýǵa múmkindik beredi: monopolıster tizilimin júr­­gizý; tarıftik smetalar­dy jáne ınvestısııalyq baǵ­darlamalardy jáne onyń oryndalýy jónindegi esep­terdi bekitýge arnalǵan óti­­nim­derdi qaraý; sýbek­tiler­diń ın­jenerlik je­li­lerine qosýǵa tu­tyný­shy­lardyń ótinimderin óń­­deý jáne qosylýǵa tehnıkalyq ­sharttardy berý; derekterdi taldaý já­ne boljaý.

Sonymen qatar jańar­tylǵan baza belgili bir derekterdi onlaın-re­jim­­de ózektendirýge múm­kindik beredi. Mysaly, monopo­lıs­terdiń memlekettik tirkelimi ony qosqan jáne alyp tas­taǵan kezde avtomatty túrde ózektendiriletin bolady.

«Elektrondyq memle­ket­­tik satyp alý» por­talymen jáne monopolıster satyp alýdy júrgizetin elek­trondyq alańdarmen ınteg­rasııalaý komıtetke ta­rıftik smetada jáne ınves­tısııalyq baǵdarlama­da satyp alý derekterin onlaın-re­jimde salystyryp tekserýge múmkindik beredi. «Monopolıst» bazasyn damytý tarıf belgileý sa­lasyndaǵy prosester­di avto­mat­tandyrý jáne ashyq­tyq múm­kin­dikterin ke­ńeıtedi.