Búgin Qaraǵandy qalasyndaǵy kópqabatty úılerdiń birindegi páterden órt shyǵyp, sonyń saldarynan 78 jáne 35 jastaǵy eki áıel men bir jasqa da tolmaǵan sábı kóz jumdy, dep habarlaıdy Egemen.kz
Oqıǵa bolǵan jerge jedel jetken órt sóndirýshiler alty adamdy qutqaryp, 18 turǵyndy qaýipsiz jerge kóshirdi. Olardyń arasynda 10 bala boldy. О́rt bolǵan jerde tótenshe jaǵdaı departamentiniń 32 qyzmetkeri, segiz tehnıka birligi jáne apattar medısınasy ortalyǵynyń brıgadasy jumys istedi.
Oblys ákimi Jeńis Qasymbek úsh birdeı adamy qaza bolǵan otbasyna, olardyń týǵan-týystaryna áleýmettik jeliler arqyly kóńil aıtty.
"Bul orny tolmas qaza. Men qaza bolǵandardyń týystary men jaqyndaryna kóńil aıtamyn", dep jazdy óńir basshysy óziniń feısbýk paraqshasynda.
Qaraǵandy oblystyq TJD habarlaǵandaı, aldyn ala tekserýdiń qorytyndysy boıynsha órttiń shyǵýyna elektr jylytqyshty qaýipsizdik sharalaryn durys qoldanbaı paıdalaný sebep bolǵan.