Elordada qoǵamdyq kólikterdegi elektrondy bılet júıesi qarajattyń 40%-yn kóleńkeli aınalymnan shyǵarýǵa múmkindik berdi. Bul týraly brıfıng barysynda Nur-Sultan qalalyq sıfrlandyrý jáne memlekettik qyzmet kórsetý basqarmasynyń bólim basshysy Danııal Aıtkenov málimdedi, dep habarlaıdy Egemen.kz.
"Jyljymaly quram 100% elektrondy tólem júıesimen jabdyqtalǵan. Elektrondy tólemniń úlesi – 100%. Qolma-qol aqshasyz tólem qarajattyń 40%-dan astamyn kóleńkeli aınalymnan alýǵa múmkindik berdi", - dep túıindedi Danııal Aıtkenov.
Aıta keteıik, azamattarǵa yńǵaıly bolý úshin búgingi kúni jolaqy tóleýdiń birneshe túri - kólik kartalary, SMS, QR kodtary, Face pay, bank kartalary jasalǵan. Bul baǵyt baǵdarshamdardy adaptıvti basqarýdy jáne qoǵamdyq kólikti dıspetcherleýdi de qamtıtyn Intellektýaldy kólik júıesi (ITS) jobasy aıasynda júzege asyrylýda.