Boks keshi

Alataý baýraıynda óte­tin jarysta aty­raý­­­lyq Bekbolat Qura­my­­­sov ká­sipqoı rıngtegi ózi­­­niń tu­saýkeser kezde­sý­in ótkizedi. Bul esim jan­­­­­kúıerlerge jaqsy tanys. Qazaqstan Respýblı­kasynyń eńbek sińirgen jat­tyqtyrýshysy Dastan Sá­dýaqasovtyń tól shákirti áýesqoı rıngte júr­gende 69 kılo salmaq dárejesinde óner kórsetip, eleýli ta­bys­­tarǵa qol jet­kizdi. Atap aıtsaq, stýdentter ara­synda Chıang-Maı men Elıstada ótken álem chem­pıonattarynyń fınalısi boldy, Azııa birinshiliginde qola medaldy ıelendi. Ere­sekterdiń el chempıonatynda júldegeler sanatyna qosylyp, Dúnıejúzilik boks serııasynda (WSB) «As­tana» arlandary» klý­bynyń namysyn abyroımen qorǵady. Endi Bekbolat kásipqoılarmen kúsh synasýdy qup kórip otyr. Ol alǵashqy jekpe-jegin al­matylyq Batyrjan Tuh­taevqa qarsy ótkizedi.

Tanymal bapker Saǵat­bek Musahanovtyń qol as­­tynda jattyǵatyn Es­ken­dir Harsan Andreı Nýrchınskımen qolǵap túıis­tiredi. 31 jastaǵy Belarýs eliniń ókili – óte tájirıbeli boksshy. Ol osy kúnge deıin kásipqoı rıngte 50-ge jýyq jekpe-jek ótkizdi. Al 23 jastaǵy qandasymyz jeti ret sharshy alańǵa shyǵyp, sonyń altaýynda jeńiske jetti.

– Almatydaǵy boks ke­sheninde óner kórsetetin jigitterdiń úsh-tórteýiniń ǵana esimi kópshilikke tanymal. Al qalǵandary ká­sipqoılar arasynda óz­deriniń tusaýkeser kezde­sý­lerin ótkizgeli otyr. Osy­­laısha, biz jastarǵa óz-óz­derin moıyndatýǵa jaqsy múmkindik berip otyrmyz. Onyń ústine, «Daryn promoýshen» kompanııasy jýyr­da ǵana quryldy. Qa­zaq­stan kásipqoı boks fe­de­rasııa­synyń arnaıy lısenzııasyn resmı túrde alǵannan keıin birden dúbirli doda uıymdastyrýǵa bel býdyq. Bul rettegi bizdiń bas­ty maq­satymyz – osy sport tú­rin tańdaǵan jastarǵa jol ashý, olardyń úlken are­naǵa shyǵýyna barynsha jaǵdaı jasaý. Aıtýly jarys kópshiliktiń kóńilinen shyǵady dep oılaımyz, – deıdi «Daryn» promoýterlik kompanııasynyń prezıdenti Darhan Qabylanbaev.

Sondaı-aq týrnırde Qa­nat Súmebaıuly men Dáýit Yntymaq, Baýyrjan Beıil­dınov pen Erlan Mahmud, Ǵanı Spataev pen Ismat Eıýnýlaeev (Ázerbaıjan), Sergeı Krapshıla (Belarýs) men Adlan Selmurzaev jáne Ashat Jantursynov pen Ka­zım Ýmýdov (Ázerbaı­jan) sekildi boksshylar ju­dy­ryq­tasady.