Qarjy uıymdary qaýymdastyǵynyń ókilderi senatorlarmen kezdesýde 40 jasynan bastap zeınetaqy annýıteti shartyn jasasýǵa ruqsat berý qajettigin aıtty, dep habarlaıdy Egemen.kz
Senat depýtattary BJZQ men memlekettik organdardyń ókilderimen jınalys ótkizip, salymshylardyń zeınetaqy jınaqtarynyń bir bóligin paıdalaný jáne olardy ózin-ózi basqarý, sondaı-aq BJZQ qarajatynyń saqtalýyn qamtamasyz etý tetikterin qarastyrdy.
Kezdesýde qaýymdastyq ókilderi "jetkiliktilik shegi" mólsheriniń aldyn-ala esebi boıynsha BJZQ-da esepshotynda 5 mln 586 myńy bar 59 jáne odan joǵary jastaǵy azamat zeınetaqy jınaqtaryn kórsetilgen mólsherden asyra ala alatyndyǵyn aıtty. Bolashaqta salymshy bıýdjetten tólenetin bazalyq zeınetaqy tólemimen birge eń tómengi zeınetaqyny ala alady dep boljanýda.
"Qoldanystaǵy zańnamaǵa sáıkes 59 jastaǵy erlerge arnalǵan zeınetaqy annýıtetiniń quny 10 mıllıon teńgeni, áıelder úshin 12 mıllıon teńgeni quraıdy. Salymshylarǵa arnalǵan zeınetaqy annýıtetteriniń qunyn tómendetý úshin zeınetaqy annýıteti sharty boıynsha tólemder mólsheri de memlekettik bazalyq zeınetaqy tóleminiń eń tómengi mólsherinen kem bolmaýy kerek.
Sonymen qatar, salymshyǵa óz jınaqtaryn paıdalanýdyń ártúrli tetikteri arasynda teń tańdaý jasaý úshin, zańnamaǵa 40 jastan bastap zeınetaqy annýıteti shartyn jasaýǵa múmkindik berý úshin túzetýler engizý qajet. Al eger saqtandyrý uıymynan tólenetin tólemder ómir boıyna kiristi qamtamasyz etse, salymshy zeınetkerlik jasqa tolǵan kezde BJZQ-da qalǵan jınaq aqshasyn alyp, ony óz qalaýy boıynsha paıdalanýǵa quqyly bolýy kerek", dedi AFO ókilderi usynysynda.