Qazannyń 16-17-si kúnderi karantındik talaptardy saqtamaǵan 25 zań buzýshylyq faktisi tirkeldi, dep habarlaıdy Egemen.kz.
Atalǵan zań buzýshylyqtar qala ákimdiginiń janynan qurylǵan monıtorıngtik toptyń qalalyq polısııa basqarmasymen birlesip júrgizgen reıd jumystary barysynda anyqtaldy. Karantın kezinde sanıtarlyq talaptardyń saqtalýyn baqylaý maqsatynda júrgizilgen reıdtik is-shara kezinde eskertýdi elemeı uıymdastyrylǵan 19 dástúrli otbasylyq toı toqtatylyp, shekteý sharalarynyń sheginen shyqqan 6 kompıýterlik oıyn-saýyq ortalyǵyna anyqtama toltyrylyp, shara kórý úshin ýákiletti organǵa joldandy.
Reıd barysynda qala ortalyǵyndaǵy "Esperanza" meıramhanasy, S.Toraıǵyrov kóshesi men Astana dańǵylynda jeke aýlada uıymdastyrylǵan úılený toılary, Qosasar jáne Kaspıı kóshelerindegi qudalyq toılary toqtatylyp, "Býnker", "Sovor", "I game" plesteıshın jáne kompıýterlik ortalyqtarynyń jumys jasap turǵany beligili bolyp, oıyn-saýyq ortalyǵynyń ákimshisine anyqtama toltyryldy.
Aıta keteıik, monıtorıngtik top indetpen kúrestiń alǵashqy kúninen menshik nysanyna qaramastan barlyq sýbektilerdiń sanıtarııalyq-dezınfeksııalyq talaptardy saqtaýyn qadaǵalap, tıisti túsindirý jumystaryn júrgizip keledi. Búginge deıin monıtorıngtik top 10 000-ǵa jýyq nysandy aralap, reıd jumystaryn júrgizdi.
Qazirgi tańda qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasy tarapynan karantın rejımin saqtamaǵan 134 tulǵaǵa ákimshilik hattama toltyrylyp, shara kórildi.