Bishkekte COVID-19 vırýsyn qaıta juqtyrýdyń 2 jaǵdaıy anyqtaldy. Bul týraly qalanyń Memlekettik sanıtarlyq-epıdemıologııalyq qadaǵalaý ortalyǵynyń (MSEQO) bas dárigeri Kýban Kýndashev málim etti, dep habarlaıdy Egemen.kz Kabar agenttigine silteme jasap.
Bas dárigerdiń aıtýynsha, qazirgi ýaqytta qaıta anyqtalǵan koronavırýs jaǵdaılary men aýrýhanadan tys pnevmonııanyń sany týraly naqty málimetter joq.
"Biraq el astanasynda resmı túrde rastalǵan koronavırýsty qaıta juqtyrýdyń eki jaǵdaıy anyqtalǵan. Biraq meniń bilýimshe, olardyń sany jetige jetken bolýy kerek", dedi ol.
Sondaı-aq ortalyq basshysy qaıta juqtyrýdyń alǵashqy oqıǵasy er adamnan zerthanalyq túrde anyqtalǵanyn, ekinshi kornavırýsqa qaıta shaldyqqan qala turǵyny aýrýhanadan tys pnevmonııamen aýyryp shyqqanyn aıtty. Onyń buryn aýrý órship turǵan kezde ókpesi 25%-ǵa zaqymdansa, qazir 65%-ǵa jetken.