"Eriktiler jyly" aıasynda Jalaǵash aýdanynyń volonterlary túrli baǵyttaǵy 14 jobanyń jeńimpazy atandy, dep habarlaıdy Egemen.kz Qyzylorda oblysy ákiminiń baspasóz qyzmetine silteme jasap.
Barlyq jobanyń quny 5 mln teńgeni quraıdy. Atap aıtqanda, QR Aqparat jáne qoǵamdyq damý mınıstrligi jáne "Azamattyq bastamalardy qoldaý ortalyǵy" KEAQ qoldaýymen "Qyzylorda oblysynyń aýyldyq ÚEU-dyń jáne bastamashyl toptardyń áleýetin kóterýge arnalǵan 4 grant, "Birgemiz Sabaqtastyq" jalpyulttyq jobasy aıasynda 2 shaǵyn grant, "Birgemiz: Umit" volonterlik baǵyty boıynsha 4 shaǵyn grant, "Birgemiz: Saulyq" volonterlik baǵyty boıynsha 1 shaǵyn grant, jastar arasynda volonterlik brendin tanymal etý boıynsha "Ashyq júrek" jobasy sheńberinde volonterlik bastamalardy qoldaýǵa arnalǵan 3 shaǵyn grant ıelendi.
Jobalardyń barlyǵy turǵyndardyń áleýmettik jaǵdaıyn jaqsartý, buqaralyq sportpen aınalysý, jastardyń bos ýaqytyn tıimdi uıymdastyrý,psıhologııalyq-pedagogıkalyq, medısınalyq kómek kórsetý maqsatynda júzege asyrylýda.
Aýdanda aldaǵy ýaqytta shaǵyn grant ıelenýge 7 baǵyt boıynsha 30 jobaǵa ótinim berildi.