Brazılııanyń densaýlyq saqtaý salasyndaǵy Anvisa ulttyq qadaǵalaý agenttigi koronavırýsqa qarsy ulybrıtanııalyq AstraZeneca kompanııasy men Oksford ýnıversıteti óndirgen vaksına synaqtaryna qatysqan azamattyń qaıtys bolǵanyn habarlady, dep jazady Egemen.kz
Qadaǵalaýshy organnyń málimdemesin G1 portaly jarııalady.
Qujatta er adamnyń óliminiń sebebin "etıkaǵa baılanysty" jarııa etilmedi, sondaı-aq erikti plasebo nemese belsendi preparat qabyldaǵany týraly aqparat aıtylmaǵan.
AstraZeneca kompanııasy G1 portalyna vaksına qabyldaýshynyń ólimine qatysty resmı ustanymy joq ekenin jáne bul aqparatqa túsinikteme bermeıtinin aıtty. Al Oksford ýnıversıteti vaksınanyń qaýipsiz ekenin aıtyp ótti.
Qazir vaksınalardy synaýdyń halyqaralyq qaýipsizdigin baǵalaý komıteti oqıǵaǵa qatysty tergeý júrgizip jatyr.
Brazılııalyq BAQ "halyqaralyq zertteýge baılanysy bar derekkózderge" silteme jasap, COVID-19 asqynýynan qaıtys bolǵan erikti plasebo qabyldaǵanyn habarlady.