"Qazsport" telearnasy ATP 250 "Astana Open" týrnırin tikeleı efırde kórsetedi, dep habarlaıdy Egemen.kz telearnanyń baspasóz qyzmetine silteme jasap.
ATR 250 serııasy aıasyndaǵy mundaı halyqaralyq týrnır Qazaqstanda alǵash ret ótedi. 25 qazan men 1 qarasha aralyǵynda "Dáýlet" ulttyq tennıs ortalyǵynda 30 eldiń úlken raketka sheberleriniń basy qosylmaq. Basym bóligi álemdik reıtıngtiń alǵashqy júzdigine enetin oıynshylar.
Benýa Per, Rıshar Gaske, Jıl Sımon, Adrıan Mannarıno bastaǵan bir top fransýz tennısshileri óz ónerlerin ortaǵa salady. Sonymen qatar Fernando Verdasko, Pablo Andýhar, Djon Mıllman, Mıomır Kesmanovıch, Frensıs Tıafo sııaqty sańlaqtar synǵa túsedi.
Qazaqstannyń namysyn Aleksandr Býblık, Mıhaıl Kýkýshkın, Dmıtrıı Popko, Denıs Evseev, Tımofeı Skatovtar qorǵaıdy. Juptyq saıysta Andreı Golýbev pen Aleksandr Nedovesov jáne Býblık-Kýkýshkın juby baq synaıdy.
Jarystyń tikeleı translıasııalaryn otandyq kórermender "QAZSPORT" telearnasynyń efırinen tamashalaı alady. Sondaı-aq, oıyndardy Qazsporttv.kz saıty men Qazaqstan.tv mobıldik qosymshasy arqyly baqylaýǵa bolady.