Shyǵys Qazaqstan oblysynda adam óltirdi degen kúdikpen 17 jastaǵy jasóspirim ustaldy, dep habarlaıdy Egemen.kz
Kúdiktiniń ustalǵany týraly aqparatty Shyǵys Qazaqstan oblysynyń polısııa departamenti rastady. Departament Glýbokovskıı aýdany, Beloýsovka aýylynyń 17 jastaǵy turǵyny Qazaqstan Respýblıkasy Qylmystyq kodeksiniń 99-baby 2-bóligi (kisi óltirý) boıynsha 30 jastaǵy azamattyń ólimine qatysty sotqa deıingi tergeý amaldaryn júrgizip jatqanyn habarlady.
"Glýbokovskıı aýdanynyń polısııasy jáne polısııa bóliminiń qyzmetkerleri asa aýyr qylmystyq quqyq buzýshylyq jasady degen kúdikpen Beloýsovka aýylynyń 2003 jyly týǵan turǵynyn ustady", dedi Shyǵys Qazaqstan oblysy polısııa departamentiniń bastyǵy Saǵat Mádıev.
Saǵat Mádıevtiń sózine qaraǵanda, kúdikti kinásin moıyndady. Tergeý áreketteri barysynda jasóspirimnen pyshaq alyndy.
"Sotqa deıingi tergeý jalǵasýda, kúdikti ýaqytsha ustaý ızolıatoryna qamaldy", dep habarlady mınıstrliktiń baspasóz qyzmeti.