Jaqynǵa janashyr bolýdyń bir úlgisi Jetisý jurtynda kórinis tabýda. Búginde aımaqta indetpen kúresý men aldyn sharalaryna tolyqqandy kóńil bólinip, koronavırýstyń bolýy yqtımal ekinshi tolqynyna daıyndyq jumysy kún tártibinde tur. Sondaı-aq, karantın kezeńinde týyndaǵan qıyndyqtardyń zardabyn joıýǵa da kóńil bólinip otyr. Ásirese, turǵyndardyń áleýmettik máselesin sheshý baǵytynda birqatar bastama jemisti jalǵasty, dep habarlaıdy Egemen.kz.
Jalpy, Almaty oblysynyń muqtaj turǵyndaryna "Birgemiz" respýblıkalyq qaıyrymdylyq qory men "Birgemiz Jetisý" qorynyń qarjysy esebinen jáne demeýshilerdiń kómegimen 4,9 mlrd teńge kóleminde áleýmettik kómek kórsetilgen ken. Munan bólek, áleýmettik jaǵdaıy tómen áýlet sanatyna kiretin 15,6 myń otbasyna jalpy somasy 5,5 mlrd teńge bolatyn ataýly áleýmettik kómek kórsetilgen. Al ataýly kómek alatyn 1-6 jas aralyǵyndaǵy 19 myń balaǵa kepildi áleýmettik paket berilgen. Bul maqsattaǵy kómektiń kólemi 712,5 mln teńgege jetti. Sondaı-aq, tótenshe jaǵdaı kezinde taǵaıyndalǵan 42 500 teńge kólemindegi tólemdi oblystyń 368,2 myń turǵyny alǵan-dy.
Qazirgi kezde tabysynan aıyrylǵan adamdardy jumyspen qamtýǵa basa nazar aýdarylyp otyr. Jalpy, Almaty oblysynda júzege asyp jatqan baǵdarlamalar aıasynda 56,2 myń jumys orny qurylsa, onyń 30,1 myńy turaqty jumys orny retinde erekshelenedi. Iаǵnı, karantın kezinde jumystan bosap qalǵan azamattardy eńbekpen qamtýǵa "Jumyspen qamtý jol kartasy" erekshe serpin berdi. Osy baǵdarlama boıynsha quny 105,6 mlrd teńge bolatyn 1051 joba júzege asyp jatyr. Nátıjesinde, "Jumyspen qamtýdyń jol kartasy" turǵyndarǵa jumys taýyp berýmen qatar óńirdegi qurylystyń jandanýyna jol ashty. Munyń ıgiligi retinde óńirdegi 7 mektep pen 8 dárigerlik ambýlatorııa qurylysynyń bastalǵanyn, 35 mekteptiń kúrdeli jóndeýden ótkenin, 64 eldi mekendegi aýyz sý júıesiniń jasalǵanyn jáne 220 aýyldyń ishki joly tolyqtaı jóndelgenin aıtýǵa bolady.
Jumyssyzdyqty joıý jolyndaǵy jemisti istiń taǵy bir parasy «Eńbek» baǵdarlamasynyń júzege asýynan kórinedi. Nátıjeli jumyspen qamtý jáne jappaı kásipkerlikti damytýdy masat etken baǵdarlama boıynsha bıyl 16,1 mlrd teńge qarjy bólingen bolatyn. Nátıjesinde kásibı tehnıkalyq bilim alýǵa 1535 adam jiberilse, qysqa merzimdi daıarlyq kýrsynan 1263 adam ótti. Osy tizimdegi 710 adam turaqty jumys taýypty. Sonymen birge áleýmettik oryndar men qoǵamdyq jumys tartylǵan jáne "Jastar tájirıbesi" boıynsha tirkelgen 22 myńnan astam jumyssyz jan tabys tabýǵa múmkindik alǵan eken.
Árıne, jumys oryndarynyń kóptep ashylýy óńirdegi shaǵyn jáne orta bıznestiń damýyna tikeleı táýeldi ekeni anyq. Al Almaty oblysy kásipkerlikti qoldaý boıynsha tutas elge úlgi bolyp otyr. Jalpy, aımaqta «Bıznestiń jol kartasy», «Eńbek» baǵdarlamalary aıasynda jáne "Damý" qorynyń qarjysynan 16,2 mlrd teńge qarjy shaǵyn jáne orta bıznesti qoldaýǵa bólingen. Bul baǵytta 158 joba qarjylandyrylyp, 836 adam shaǵyn nesıeler alǵan eken. Sondaı-aq, «Bastaý Bıznes» jobasy boıynsha 3645 adam oqýǵa jiberilip, jańa bıznes-ıdeıalardy damytýǵa da 1659 grant berilgen-di. Qysqasy, oblysta kásipkerlikti damytýdy memlekettik qoldaýdyń aıasy keńigen saıyn, shǵany jáne orta bıznestiń adymy shıraı bastady deýge tolyq negiz bar. Al jyl sońyna deıin Úkimettiń naqty demeýin sezingen shaǵyn jáne orta bıznes salasynda daıyndalǵan ónim men kórsetilgen qyzmet kólemi 1,7 trln teńgege deıin jetedi degen boddam bar. Iаǵnı, kásipkerlerdiń jalpy óńirlik ónimdegi bıylǵy úlesi 34 paıyzdy qurýy tıis О́tken jyly bul kórsetkish 33,6 paıyz shamasynda bolǵan.
Aıtpaqshy, oblys kásipkerleriniń daǵdarys jaǵdaıyndaǵy jumysyna qoldaý jasaýdyń tıimdi tetigi retinde salyq jeńildikteriniń júzege asqanyn da aıtýymyz paryz. Tótenshe jaǵdaı kezinde Prezıdent pármenimen iske qosylǵan salyq jeńildigine óńirdegi 118,9 myń bıznes nysany ıe bolǵan-dy.
- Daǵdarysqa qarsy der kezinde qabyldanǵan sharalardyń nátıjesinde bıznestiń Almaty oblysynda 641 kásipkerlik nysanynyń nesıesi keıinge shegerildi. Bul – 23,7 mlrd teńge kólemindegi qarjy. Munan bólek, 6,5 myń bıznes nysannyń jalǵa alý tólemi 30 paıyzdan 90 paıyzǵa deıin tómendetildi. Al 690 kásipker kommýnaldyq menshik salasy boıynsha múlikti jaldaý aqysyn tóleýden tolyq bosatyldy. Osynyń bári Prezıdent Qasym-Jomart Toqaevtyń tapsyrmasy boıynsha Úkimet qabyldaǵan daǵdarysty eńserý josparynyń nátıjesi. Oblysta iri kásiporyndardan bólek shaǵyn jáne orta bıznes nysandarynyń jumysyna memlekettik qoldaý jalǵasa beredi, deıdi oblys ákimi Amandyq Batalov.
Almaty oblysy