Búgin Elbasy kitaphanasy mýzeıiniń jańa ǵımaratynda belgili keskindemeshi, Qazaqstan Sýretshiler Odaǵynyń múshesi, Qazaqstan Respýblıkasynyń eńbek sińirgen óner qaıratkeri Qazaqbaı Ájibekulynyń "О́ner shyńyna umtylys" atty jeke kórmesiniń saltanatty ashylýy ótti, dep habarlaıdy Egemen.kz
Kórmeni kórmekke kelgen qadirli qonaqtardyń arasynda sýretshiler Kamıl Mýllashev, О́miráli Ismaılov, kompozıtor Tólegen Muhamedjanov, mýzykant Bekbolat Baısaǵatov, aqyn Dáýletkereı Kápuly bastaǵan taǵy da basqa tanymal tulǵalar boldy.
Kórmege 1997–2020 jyldar aralyǵynda jasalǵan sýretshiniń otyzǵa jýyq jumysy qoıyldy. Shyǵarmashylyǵynyń alǵashqy kezeńin HH ǵasyrdyń 90-shy jyldary sońyndaǵy týyndylary beıneleıdi. Sońǵy onjyldyqtaǵy jumystar avtordyń shyǵarmashylyq jáne jeke evolıýsııasyn kórsetedi.
Qazaqbaı Ájibekuly qylqalam sheberleriniń shyǵarmashylyq izdenisteriniń basty jelisin – qazaq halqynyń dástúrli bastaýlary men rýhanı murasynyń jandanýyn beıneleıdi. Táýelsizdiktiń árbir jyldyǵy Elimizdiń, Qazaqstan azamattarynyń bolashaǵyna serpindi qozǵalystyń sharty retinde ótkendi taldaýǵa uıytqy bolyp tabylady. Bul kolorıstıkada, Qazaqbaı qylqalamynyń ushqyrlyǵynda aıqyn seziledi, erte kezeńdegi jumys tásilinen aıtarlyqtaı erekshelenedi.
Is-sharany Elbasy kitaphanasynyń dırektory Ámirhan Rahymjanov ashty:
"Qazaqbaıdy qazirgi Qazaqstannyń beıneleý óneriniń kósh basynda kele jatqan sýretshilerdiń biregeıi desek te bolady. О́ıtkeni Saryarqanyń tósinen oryn tepken Elordamyzdyń alǵashqy beınesin Elbasymen baılanystyra bilgen Qazaqbaıdyń shyǵarmashylyǵy qashan da alystan erekshe sóılep turady. Avtor ózindik qoltańbasy bar ónerli jan, ol óz jumystarynda halyqtyń mádenıetin, elimizdiń mádenı qundylyqtaryn onyń ulttyq ıdeıasyn ýaqyt pen qazirgi ómirdiń ózara astasyp jatqanyn shynaıy sýretteıdi. Kórmege qylqalam sheberiniń QR Tuńǵysh Prezıdenti – Elbasy kitaphanasynyń qorynda saqtalǵan burynǵy jumystary men álemdik qaýymdastyqty tolǵandyrǵan kózqarastar turǵysynan alǵanda adamzatty oılandyratyn jańa dúnıeleri, týǵan halqynyń ulttyq beınesin somdaǵan tyń týyndylary da qoıyldy", dedi ol.
"Elbasy kitaphanasynyń mýzeıine kelip, táýelsizdigimizdiń qalyptasýy men damýynyń tarıhymen tereńirek tanysqanymyzdy atap ótkim keledi. Qazaqstannyń Tuńǵysh Prezıdentimen birge tarıhymyzdyń asyl murasyndaı bolǵan osyndaı memleketti qurǵanymyzdy jaqsy bilemiz. Sondyqtan Tuńǵysh Prezıdent kitaphanasynyń qyzmetkerlerine atqaryp jatqan jumystary úshin alǵysymdy bildirgim keledi. Búgin bizdiń zamandasymyzdyń, meniń oıymsha, Qazaqstannyń eń keremet ári talantty sýretshisiniń kórmesi ashylady. Ol óz elin jáne halqyn qatty jaqsy kórgendikten búkil álemge ultynyń dástúrleri men ádet-ǵuryptaryn kórsetkisi keledi", dedi Tólegen Muhamedjanov.
Kamıl Mýllashev avtordyń astananyń alǵashqy qalyptasý jyldaryndaǵy talantyna toqtaldy.
"Qylqalam sheberi retinde ol Qazaqstannan tys jerlerde burynnan tanymal. Basqa elderdegi keskindemeniń jankúıerleri qazaq halqynyń mádenıeti men tarıhyn Qazaqbaı Ájibekulynyń sýretterinen biletini óte mańyzdy. Avtor jumystarynyń bir ereksheligi – halyqqa jaqyn, onyń týyndylarynda bir jylylyq bar, boıaýlary qanyq. Onyń shyǵarmalary sulýlyqqa qushtar ár adamnyń júreginen oryn alady", dep atap ótti ol.
Is-shara sońynda kórmeniń avtory Qazaqbaı Ájibekuly Elbasy kitaphanasynyń basshylyǵyna jáne arnaıy kelgen qonaqtarǵa rızashylyǵyn bildirdi.