Sheteldik joǵary oqý oryndaryna óz betinshe oqýǵa túsken, al qazir qashyqtan oqyp jatqan qazaqstandyq stýdentter QR Bilim jáne ǵylym mınıstrligine ótinish bildirip, medısınalyq qyzmetterdi tegin alý boıynsha kómek kórsetýdi suraǵan, - dep jazady Egemen.kz
Bul stýdentter de qazaqstandyq joǵary oqý oryndarynyń stýdentteri sııaqty MÁMS sheńberinde medısınalyq kómekti tegin alatyn bolady. Stýdentter saqtandyrý júıesindegi óz mártebesin rastaý úshin "elektrondyq úkimet" portalynda tirkeýden ótýleri qajet. Nátıjesinde olar MÁMS sheńberinde jeńildikter sanatyna engiziledi."Stýdentter ótinishterin mınıstrdiń blogyna da joldady. Biz birden áreket jasap, olardyń "elektrondyq úkimet" portaly arqyly tirkelýi úshin qajet jaǵdaı jasadyq. 10 kúnniń ishinde "Shetelde oqıtyn stýdentterdi tirkeý" qyzmetin 250-ge jýyq adam paıdalanǵan. Endigi kezekte olar medısınalyq qyzmetterdi tegin ala alady", – dep jazdy Bilim jáne ǵylym vıse-mınıstri R.Bıǵarı Facebook-tegi paraqshasynda.