О́skemen myqtylardy anyqtaýda

О́skemende jańadan salynǵan jekpe-jek saraıynda dzıýdodan Qazaqstan chempıonaty ótip jatyr. Onyń ashylý saltanatynda oblys ákimi Berdibek Saparbaev el birinshiligine qatysýshy­­­­­­lardy chempıonattyń ashylýymen quttyqtap, jańa sport keshe­ni qurylysynyń bir jylǵa jeter-jetpes ýaqytta boı kóter­­­­genin, ony halyqtyń asar ádisimen salǵandaryn jetkizdi.

О́skemende jańadan salynǵan jekpe-jek saraıynda dzıýdodan Qazaqstan chempıonaty ótip jatyr. Onyń ashylý saltanatynda oblys ákimi Berdibek Saparbaev el birinshiligine qatysýshy­­­­­­lardy chempıonattyń ashylýymen quttyqtap, jańa sport keshe­ni qurylysynyń bir jylǵa jeter-jetpes ýaqytta boı kóter­­­­genin, ony halyqtyń asar ádisimen salǵandaryn jetkizdi.

– Aıta ketý kerek, kezekti el chem­pıonatyna barlyq oblystardan 400-den astam dzıýdoshylar qa­ty­sýda. Jarys erler men áıelder arasynda, komandalyq esepte tórt kúnge sozylmaq. Jańa sport saraıynda sańlaqtarǵa barlyq jaǵdaı jasalǵan. Kıinip-sheshinetin jer, jýynatyn bólmeler ázir, – deıdi Shyǵys Qazaqstan oblystyq sport jáne dene tárbıesi basqarmasynyń bastyǵy, Shy­­­­­ǵysta sporttyń ór­ken­deýine kóp úles qosyp kele jat­qan Ábil Dóń­baev.

Bul joly Álem kýbogynyń ıegeri Gúljan Isanova jaraqatyna baılanysty jarysqa qatysa almady. Bir buryshta muńaıyp turǵan jerlesimizdi jubatýǵa týra keldi. Jarystyń birinshi kúni asa aýyr salmaqta tarazdyq Rýza Doqtyrbaeva pavlodarlyq Zarına Baıbatınany jeńdi. Rýzamen sóıleskenimizde, ol ózin Samat О́mirálıev jattyqtyratynyn, jastar arasynda álem chempıonatynda 7-oryn alǵanyn, jeńisti kúnderdiń áli alda ekenin aıtty.

Sheberlikte shek joq ekeni belgili. 100 kıloǵa deıingi salmaqta kúresken álem chempıony Maksım Rakov qarsylastaryn shaq keltirmeı, altynnan alqa taqty. Qyzylordalyq Rýslan Ábdirazaqov kúmisti mise tutty. Áıelder arasyn­da 75 kıloǵa deıingi salmaqta saıys­tar tartysty ótti. Fınalda Zámzágúl Faızollaqyzy men Qaljan Taıjanova beldesip, sońǵysy el chempıony degen ataqqa jetti. Zere Bektasqyzy men Dınara Qodarova qola medaldi qanaǵat tutty.

Jarystyń ekinshi jáne úshinshi kúnderinde mynalar chempıondyq ataqqa ıe boldy. Erler: 66 kılo – Jansaı Smaǵulov (Qaraǵandy oblysy),73 kılo – Dastan Yqybaev (ShQO), 81 kılo – Ázız Qalqamanuly (Jam­byl oblysy), 90 kılo – Bolat Tımýr (Astana). Áıelder: 52 kılo – Olesıa Kýsenko (Mańǵystaý oblysy), 57 kılo – Názgúl Qubasheva (Atyraý), 65 kılo – Márııam Ordabaeva (Al­maty qalasy), 78 kılo – Albına Amangeldıeva (OQO).

Búgin absolıýtti jáne komandalyq esepte jeńimpazdar anyqtalmaq.

Ońdasyn ELÝBAI,

«Egemen Qazaqstan».

О́SKEMEN.

––––––––––––––

Sýrette: dzıýdodan el chem­­­­­pı­ony tarazdyq Rýza Doqtyrbaeva.

Sýretti túsirgen avtor.