Kóliktegi bas sanıtarlyq dáriger Sádýaqas Baıǵabylov 29 qazan kúni túnde 10 halyqaralyq áýe reısimen elge 1072 jolaýshy ushyp kelgenin aıtty, dep habarlaıdy Egemen.kz
Olardyń 1047-de PTR-test anyqtamasy bolǵan.
"Nur-Sultandaǵy 4 reıs boıynsha 426 jolaýshynyń 418-de, Almatydaǵy 4 reıs boıynsha 536 jolaýshynyń 522-de, Qaraǵandydaǵy 1 reıs boıynsha 16 jolaýshynyń bárinde, Shymkentke ushyp kelgen 94 jolaýshynyń (1 reıs) 91-de PTR-test anyqtamasy bar bolyp shyqty", dep habarlaıdy Sádýaqas Baıǵabylov.
Dárigerdiń aıtýynsha, PTR-test anyqtamasy joq azamattar Nur-Sultan, Almaty men Shymkent qalalaryndaǵy karantındik stasıonarǵa jatqyzylǵan.
Jolaýshylar halyqaralyq áýe reısterimen Túrkııa, Reseı, BAÁ elderinen kelgen. Sonymen qatar Sádýaqas Baıǵabylov Túrkııadan kelgen Tájikstan azamaty PTR-test anyqtamasy bolmaǵandyqtan Almaty áýejaıynan deportasııalanǵanyn jetkizdi.