Fılıppınde "Gonı" taıfýnynyń saldarynan 10 adam qaıtys bolyp, úsh adam habar-osharsyz ketti. Bul týraly respýblıkadaǵy apattardyń saldaryn azaıtý jónindegi Ulttyq keńestiń ókilderi málimdedi, dep habarlaıdy Egemen.kz.
Olardyń málimetteri boıynsha, toǵyz adam qaıtys bolǵan, onyń ishinde bes jasar bala bar ekeni anyqtaldy. Ol Albaı provınsııasynyń turǵyny bolǵan. Habar-osharsyz ketken úsh adam Gınobatan mýnısıpalıtetinen eken. Sonymen qatar Katandýanes provınsııasyndaǵy apat áserinen taǵy bir adam qaıtys bolǵan. Sondaı-aq bir adam zardap shekkeni týraly aıtylady.
Ulttyq keńestiń aqparatyna sáıkes, taıfýn 372 myńnan astam otbasyna, ıaǵnı, 2 mln adamǵa zardabyn tıgizgen. Aıtýylarynsha, 390 myńǵa jýyq adam evakýasııalanǵan. Keltirilgen zalaldyń somasy áli kúnge deıin baǵalanýda.
Habarlamada aıtylǵandaı, 8,5 myńǵa jýyq úı elektr jaryǵynsyz qalǵan. Aımaqtaǵy kóptegen joldardyń apat saldarynan jabylýyna baılanysty qutqarý qyzmetteri zardap shekken aýdandarǵa jete almaı jatyr.
1 qarashada "Gonı" sýpertaıfýny Fılıppınniń Katandýanes provınsııasynda qurlyqqa jetip, keıin tropıkalyq daýylǵa aınaldy. Jergilikti atmosferalyq, geofızıkalyq jáne astronomııalyq zertteýler qyzmetiniń málimetinshe, apat epısentrindegi jeldiń jyldamdyǵy 34,7 m/s, ekpini 47,2 m / s qurady.